బీటీపీ కాలువ మట్టి అక్రమ తరలింపుపై సమగ్ర విచారణ జరపాలి

బీటీపీ కాలువ మట్టి అక్రమ తరలింపుపై సమగ్ర విచారణ జరపాలి

అనంతపురం బ్యూరో 

 కళ్యాణదుర్గం నియోజకవర్గ పరిధిలో జరుగుతున్న భైరవానితిప్ప ప్రాజెక్ట్ (బీటీపీ) కాలువ పనుల్లో తవ్విన మట్టిని అనుమతులు లేకుండా అక్రమంగా తరలించి విక్రయిస్తున్నారనే ఆరోపణలపై సమగ్ర విచారణ జరిపించాలని మాజీ ఎంపీ తలారి రంగయ్య డిమాండ్ చేశారు. ఈ మేరకు శుక్రవారం హంద్రీనీవా సుజల స్రవంతి ప్రాజెక్టు సూపరింటెండింగ్ ఇంజనీర్‌ను కలిసి వినతిపత్రం సమర్పించారు. కళ్యాణదుర్గం నియోజకవర్గంలోని ఐదు మండలాలకు చెందిన వైఎస్సార్‌సీపీ నాయకులు ఆయనతో కలిసి వినతిపత్రం అందజేశారు. ప్రభుత్వ భూమి నుంచి తవ్విన మట్టిని నిబంధనలకు విరుద్ధంగా రాత్రివేళల్లో తరలిస్తున్నారని రంగయ్య ఆరోపించారు. అక్రమ మట్టి రవాణా వెనుక ఉన్న వ్యక్తులను గుర్తించి, బాధ్యులపై చట్టపరమైన చర్యలు తీసుకోవాలని కోరారు. దీనిపై విచారణ జరిపి తగిన చర్యలు తీసుకుంటామని ఎస్ఈ హామీ ఇచ్చారు.