అయ్యప్ప స్వాములకు మహా అన్న ప్రసాద వితరణ

ఆరిలోవ, సూర్య : హనుమంతువాక ప్రాంతంలో ఉన్న శ్రీ భక్త తుకారాం రామాలయంలో శుక్రవారం  శ్రీరామ అయ్యప్ప అన్నదానం ట్రస్ట్ ఆధ్వర్యంలో మండల కాలం5 అయ్యప్ప దీక్ష తీసుకున్న స్వాములకు
అన్న ప్రసాద వితరణ కార్యక్రమం నిర్వహిస్తున్నట్లు  గురుస్వామి బైపల్లి సోమేశ్ తెలిపారు. ఈ సందర్భంగా భక్తతుకారం  రామాలయంలో ప్రారంభమైన అన్నదాన కార్యక్రమానికి వివిధ ప్రాంతాల నుండి స్వాములు,  భవానీలు పాల్గొని స్వామి వారి ప్రసాదం స్వీకరించారు. ప్రతి ఏడాదిలాగే ఈ సంవత్సరం కూడా స్వాములు కొరకు ఈ మహోన్నతమైన కార్యక్రమాన్ని నిర్వహించేందుకు అన్ని ఏర్పాట్లు చేశామని, నేటి నుండి డిసెంబర్ 9వ తేదీ వరకు మహా అన్నదాన వితరణ కార్యక్రమం కొనసాగుతుందని  సోమేశ్ గురు స్వామి తెలిపారు. అన్న ప్రసాద వితరణలో పాల్గొన్న బాయిన రాణి.. తూర్పు నియోజకవర్గంలో స్థానిక 12వ వార్డు జనసేన కార్పొరేటర్ అభ్యర్థి బాయిన రాణి భక్తతుకారం రామాలయంలో ప్రారంభమైన అన్న ప్రసాద వితరణ కార్యక్రమంలో పాల్గొన్న స్వాములకు, భవానీలకు ఆమె చేతుల మీదగా ప్రసాద వితరణ చేశారు. శ్రీరామ అయ్యప్ప అన్నదానం ట్రస్ట్ సభ్యులు ఆమెకు శాలువాతో సత్కరించి ఘన స్వాగతం పలికారు.