అంగన్వాడి, ఆశా వర్కర్ల నిరసన

కనీస వేతనం రూ.26 వేలు ఇవ్వాలి
ఎమ్మెల్యే కార్యాలయం వద్ద ఆశా, అంగన్వాడీ వర్కర్ల నిరసన
అవనిగడ్డ, అక్టోబర్ 6 మేజర్ న్యూస్: ఆశా వర్కర్లు, అంగన్వాడీ టీచర్లు, ఆయాల సమస్యలను ప్రభుత్వం పరిష్కరించాలని డిమాండ్ చేస్తూ మంగళవారం అవనిగడ్డ ఎమ్మెల్యే మండలి బుద్ధప్రసాద్ కార్యాలయం వద్ద నిరసన తెలిపారు. కార్యాలయం వద్దకు పెద్ద సంఖ్యలో చేరుకున్న వారు తమ డిమాండ్లపై నినాదాలు చేశారు.
ఆశా వర్కర్లకు కనీస వేతనం రూ.26 వేలు చెల్లించాలని, ఉద్యోగ భద్రత కల్పించి పర్మినెంట్ చేయాలని, పెండింగ్ బకాయిలు చెల్లించాలని డిమాండ్ చేశారు. అంగన్వాడీ సిబ్బందికి కనీస వేతనాలు పెంచడంతో పాటు రిటైర్మెంట్ బెనిఫిట్స్ కల్పించాలని, ప్రభుత్వ సంక్షేమ పథకాలు వర్తింపజేయాలని కోరారు. మినీ అంగన్వాడీ కేంద్రాలను మెయిన్‌ కేంద్రాలుగా మార్చాలని, పెండింగ్ బిల్లులు చెల్లించాలని, అంగన్వాడీ కేంద్రాలకు అవసరమైన మౌలిక వసతులు కల్పించాలని డిమాండ్ చేశారు.
ఎమ్మెల్యే కార్యాలయం వద్ద ఆ సమయంలో ఎవరూ అందుబాటులో లేకపోవడంతో నిరసనకారులు వినతిపత్రం అందజేయకుండానే వెనుదిరిగారు. తమ సమస్యలను ప్రభుత్వం తక్షణమే పరిష్కరించాలని వారు కోరారు.-అజంతా శ్రీనివాస్