అక్టోబర్ 6న రాజమహేంద్రవరంలో జాబ్ మేళా
నేటి దినపత్రిక సూర్య బ్యూరో రాజమహేంద్రవరం తూర్పుగోదావరి జిల్లా కలెక్టర్‌ ఆధ్వర్యంలో నిరుద్యోగ యువతకు ఉపాధి అవకాశాలు కల్పించేందుకు అక్టోబర్ 6వ తేదీ మంగళవారం ఉదయం 9 గంటలకు రాజమహేంద్రవరం తాడితోటలోని ఎస్‌బీఐ బ్రాంచ్‌ పక్కన ఉన్న ఉపాధి కార్యాలయ ప్రాంగణంలో జాబ్ మేళా నిర్వహించనున్నట్లు జిల్లా ఉపాధి అధికారి సి.హెచ్. శిరీష శుక్రవారం తెలిపారు.
ప్రముఖ శ్రీ వారాహి గ్రూప్స్ ఆధ్వర్యంలోని ఐటీ, రియల్‌ ఎస్టేట్‌ అండ్‌ ఇన్‌ఫ్రాస్ట్రక్చర్, లాజిస్టిక్స్, అగ్రి బిజినెస్, ఫైనాన్షియల్ సర్వీసెస్, మీడియా అండ్‌ ఎంటర్‌టైన్‌మెంట్‌ రంగాలకు చెందిన ఉద్యోగాల కోసం ఇంటర్వ్యూలు నిర్వహించనున్నట్లు తెలిపారు.ఫుల్‌స్టాక్‌ డెవలపర్, సైబర్‌ సెక్యూరిటీ స్పెషలిస్ట్, క్లౌడ్‌ ఇంజనీర్, సెర్చ్‌ ఇంజిన్‌ స్పెషలిస్ట్, ఎడిటర్, అకౌంట్స్‌ డిపార్ట్‌మెంట్, టెలీకాలర్, బీపీఓ తదితర పోస్టులకు అభ్యర్థులను ఎంపిక చేయనున్నట్లు పేర్కొన్నారు.
ఇంజనీరింగ్‌ లేదా ఏదైనా డిగ్రీ, డిప్లొమా పూర్తి చేసి, అనుభవం ఉన్న లేదా ఆయా ఉద్యోగాలపై ఆసక్తి కలిగిన 22 నుంచి 30 సంవత్సరాల వయస్సు గల అభ్యర్థులు అర్హులని తెలిపారు. ఎంపికైన వారికి తక్షణమే ఉద్యోగ అవకాశాలు కల్పించనున్నట్లు వివరించారు.ఆసక్తి గల అభ్యర్థులు employment.ap.gov.in ద్వారా తమ పూర్తి వివరాలను నమోదు చేసుకుని, రెజ్యూమే, ఆధార్‌ కార్డు, సంబంధిత విద్యా సర్టిఫికెట్ల జిరాక్స్‌ కాపీలతో జాబ్ మేళాకు హాజరుకావాలని సూచించారు.మరిన్ని వివరాల కోసం 9398318601 నంబర్‌ను సంప్రదించాలని జిల్లా ఉపాధి అధికారి సి.హెచ్. శిరీష కోరారు.
