ఆర్ఎస్ఆర్ ఇంజనీరింగ్ కళాశాల డైరెక్టర్ కె. రాజా రెడ్డి మృతి పట్ల మాజీ ఎమ్మెల్యే దంపతులు కుటుంబానికి పరామర్శ.

​కావలి మేజర్ న్యూస్ :   కావలి నియోజకవర్గం కలవనూతల సమీపంలోని ఆర్ఎస్ఆర్ (RSR) ఇంజనీరింగ్ కళాశాల డైరెక్టర్‌గా సేవలందిస్తున్న డాక్టర్ కె. రాజా రెడ్డి శుక్రవారం అకస్మాత్తుగా మరణించారు. ఈ విషయం తెలుసుకున్న కావలి నియోజకవర్గ వైఎస్సార్‌సీపీ ఇన్‌ఛార్జ్, మాజీ ఎమ్మెల్యే రామిరెడ్డి ప్రతాప్ కుమార్ రెడ్డి, ఆదిలక్ష్మి దంపతులు తీవ్ర దిగ్భ్రాంతి వ్యక్తం చేశారు.  ​శనివారం వారు చిత్తూరు జిల్లా పాకాల మండలంలోని రాజా రెడ్డి స్వగ్రామానికి వెళ్లి, ఆయన భౌతికకాయానికి పూలమాలలు వేసి ఘనంగా నివాళులు అర్పించారు. అనంతరం శోకసంద్రంలో ఉన్న కుటుంబ సభ్యులను పరామర్శించి, తమ సానుభూతిని తెలిపారు.  ​ఈ సందర్భంగా మాజీ ఎమ్మెల్యే రామిరెడ్డి ప్రతాప్ కుమార్ రెడ్డి మాట్లాడుతూ... రాజా రెడ్డి మరణ వార్త తన్ను ఎంతగానో కలచివేసిందన్నారు. కళాశాల అభివృద్ధిలో, విద్యార్థులకు క్రమశిక్షణతో కూడిన నాణ్యమైన విద్యాబోధన అందించడంలో ఆయన విశేష కృషి చేశారని కొనియాడారు. భగవంతుడు ఆయన ఆత్మకు శాంతి చేకూర్చాలని, కుటుంబ సభ్యులకు ఈ తీరని లోటును తట్టుకునే మనోధైర్యాన్ని ప్రసాదించాలని ప్రార్థించారు.