ఆపరేషన్ త్రిశూల్‌లో భాగంగా జిల్లా ఎస్పీ శ్రీ బి.ఉమామహేశ్వర్, ఐపీఎస్ గారి ఆదేశాల మేరకు కార్డెన్ అండ్ సెర్చ్ ఆపరేషన్లు నిర్వహించిన పోలీస్ అధికారులు

బాపట్ల జిల్లా ఎస్పీ  బి. ఉమామహేశ్వర్  ఆదేశాల మేరకు ఆపరేషన్ త్రిశూల్‌లో భాగంగా చీరాల సబ్ డివిజన్, చీరాల వన్ టౌన్ పోలీస్ స్టేషన్ పరిధిలోని ఉజిలీపేట పరిసర ప్రాంతాల్లో, బాపట్ల సబ్ డివిజన్, పర్చూరు పోలీస్ స్టేషన్ పరిధిలోని నూతలపాడు గ్రామ ఎస్సీ కాలనీలో, రేపల్లె సబ్ డివిజన్, అడవులదీవి పోలీస్ స్టేషన్ పరిధిలోని కొత్తపాలెం గ్రామంలో ఆదివారం ఉదయం జిల్లా పోలీస్ అధికారులు, సిబ్బంది కార్డెన్ అండ్ సెర్చ్ ఆపరేషన్లు నిర్వహించారు. ఏకకాలంలో మూడు ప్రదేశాల్లో సుమారు 170 మంది పోలీస్ అధికారులు, సిబ్బందితో కార్డెన్ అండ్ సెర్చ్ ఆపరేషన్లు నిర్వహించారు. సరైన ధ్రువపత్రాలు లేని 82 వాహనాలను పోలీస్ అధికారులు సీజ్ చేశారు.