సంగారెడ్డి జిల్లాలో స్కౌట్ మాస్టర్లు, గైడ్ కెప్టెన్లకు ఈనెల 25 నుండి శిక్షణ శిబిరాలు

సంగారెడ్డి, - సంగారెడ్డి జిల్లా మునిపల్లి మండలం లింగంపల్లి గ్రామంలోని తెలంగాణ గురుకుల పాఠశాల, జూనియర్ కళాశాల  లో స్కౌట్ మాస్టర్లు, గైడ్ కెప్టెన్లకు రాష్ట్రస్థాయి శిక్షణాధికారులచే ఈనెల 25 నుండి  బేసిక్ ట్రైనింగ్ ప్రోగ్రామ్  నిర్వహించనున్నట్లు భారత్ స్కౌట్స్ అండ్ గైడ్స్ జిల్లా కార్యదర్శి వి. మాధవరెడ్డి తెలిపారు.మొదటి విడత శిక్షణ శిబిరం అక్టోబర్ 25 నుంచి 31 వరకు, రెండవ విడత శిక్షణ శిబిరం నవంబర్ 1 నుంచి 7 వరకు నిర్వహించనున్నట్లు పేర్కొన్నారు. మొదటి, రెండవ విడతలలో వివిధ జిల్లాలకు చెందిన స్కౌట్ మాస్టర్లు, గైడ్ కెప్టెన్లు పాల్గొననున్నట్లు తెలిపారు.ఈ సందర్భంగా శనివారం కలెక్టరేట్‌లో జిల్లా కలెక్టర్ ప్రతీక్ జైన్, జిల్లా ఎస్పీ పరితోష్ పంకజ్, అడిషనల్ ఎస్పీ చైతన్య రెడ్డి, అదనపు కలెక్టర్ పాండు బేసిక్ ట్రైనింగ్ ప్రోగ్రామ్ కు సంబంధించిన పోస్టర్ ను ఆవిష్కరించారు.ఈ కార్యక్రమంలో భారత్ స్కౌట్స్ అండ్ గైడ్స్ ట్రెజరర్ జి. సుందర్ రావు జిల్లా కార్యదర్శి వి. మాధవరెడ్డి, జాయింట్ సెక్రటరీ ఎం. శోభ, జిల్లా ఆర్గనైజింగ్ కమిషనర్లు చంద్రశేఖర్ గౌడ్,  వందన,  తదితరులు పాల్గొన్నారు.