రజక సంఘం యూత్ అధ్యక్షునిగా గౌరిశా ఎన్నిక

మద్దూర్;తెలంగాణ రజక రిజర్వేషన్ సమితి మద్దూర్ మండల యూత్ అధ్యక్షులుగా పిడిశెట్టి గౌరీశ, ప్రధాన కార్యదర్శిగా తుమ్మలపల్లి శ్రీనాథ్ లను ఏకగ్రీవంగా ఎన్నుకున్నట్లు జిల్లా అధ్యక్షులు జంగపల్లి ఐలయ్య సోమవారం ప్రకటనలో తెలిపారు. ఈ సందర్భంగా వారు మాట్లాడుతూ సిద్దిపేట జిల్లా కమిటీ ఆధ్వర్యంలో నిర్వహించనున్న 4వ మహాసభను విజయవంతం చేయాలని కోరారు. దీంతోపాటు రజకుల ఐక్యత కోసం, రజక సంఘం బలోపేతానికి ప్రతి ఒక్కరు కృషి చేయాలని అన్నారు. అనంతరం నూతనంగా ఎన్నికైన యూత్ మండల కమిటీని ప్రకటించారు. యూత్ అధ్యక్షుడిగా పిడిశెట్టి గౌరీష, ప్రధాన కార్యదర్శిగా తుమ్మలపల్లి శ్రీనాథ్, ఉపాధ్యక్షులుగా మహేష్, కిరణ్, వర్కింగ్ ప్రెసిడెంట్, కోశాధికారి గ నవీన్, కో కన్వీనర్ గా ప్రభాకర్, సోషల్ మీడియా ఇన్ఛార్జ్ రాజేష్ లను ఎన్నిక చేసినట్టు తెలిపారు. మండల సమయ కమిటీ ఇన్చార్జిలుగా పి రాజు లక్ష్మయ్య రామకృష్ణ లను నియమించినట్లు తెలిపారు. అనంతరం నూతనంగా ఎన్నికైన అధ్యక్ష కార్యదర్శులు మాట్లాడుతూ తమపై నమ్మకం నుంచి పదవి బాధ్యతలు అప్పగించిన జిల్లా నాయకత్వం ధన్యవాదాలు తెలిపారు. రాబోవు రోజుల్లో మండల వ్యాప్తంగా రజక సంఘం బలోపేతానికి తమ వంతు కృషి చేయనున్నట్లు తెలిపారు. ఈ కార్యక్రమంలో రజక సంఘం నాయకులు యూత్ నాయకులు తదితరులు పాల్గొన్నారు.