పేదల సొంతింటి కల నెరవేర్చడమే కాంగ్రెస్ ప్రభుత్వ లక్ష్యం - ఆడే గజేందర్

సూర్య.నేరడిగొండ: పేదల సొంతింటి కలను సాకారం చేయడమే లక్ష్యంగా తెలంగాణ ప్రజా ప్రభుత్వం ఇందిరమ్మ ఇళ్ల పథకాన్ని సమర్థవంతంగా అమలు చేస్తోందని బోథ్ నియోజకవర్గ కాంగ్రెస్ పార్టీ ఇంచార్జి ఆడే గజేందర్ అన్నారు. నేరడిగొండ మండలంలోని వడూర్ గ్రామానికి చెందిన లబ్ధిదారు గౌసియా బేగం ఆహ్వానం మేరకు, నూతనంగా నిర్మించిన ఇందిరమ్మ ఇంటి గృహప్రవేశ కార్యక్రమానికి ఆయన ముఖ్య అతిథిగా హాజరయ్యారు.ఈ సందర్భంగా కొత్త ఇంట్లోకి అడుగుపెట్టిన గౌసియా బేగం కుటుంబ సభ్యులకు ఆయన ప్రత్యేక శుభాకాంక్షలు తెలిపారు. వారి కుటుంబం సుఖసంతోషాలతో, ఆయురారోగ్యాలతో వర్ధిల్లాలని ఆకాంక్షించారు.అనంతరం ఆడే గజేందర్ మాట్లాడుతూ... అర్హులైన ప్రతి పేద కుటుంబానికి సొంత ఇల్లు అందించాలనే దృఢ సంకల్పంతో ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం పనిచేస్తోందన్నారు. ఇందిరమ్మ ఇల్లు అనేది పేద కుటుంబాలకు కేవలం నివాసం మాత్రమే కాదని, అది వారి ఆత్మగౌరవానికి, భవిష్యత్ భరోసాకు ప్రతీక అని పేర్కొన్నారు.ఈ కార్యక్రమంలో స్థానిక సర్పంచ్ ఆడెపు శ్రీకాంత్, ఉప సర్పంచ్ మమత చంద్రశేఖర్, సీనియర్ నాయకులు బుక రాములు, నాయుడు రవి, కుంట శంకర్, కార్తీక్, ఆసిఫ్, కళ్ళెం రామకృష్ణ, ఇక్బాల్, తెడ్డు అశోక్, ఇబ్రహీం, రాహిల్ మాలిక్, ప్రవీణ్, అఖిల్, గంధం నవీన్, అశోక్, షకీల్, మినహాజ్, షేక్ రాహిల్ తదితరులు పాల్గొన్నారు.