పామెనలో రాజరాజేశ్వరి అమ్మవారి చీరను రూ.65 వేలకు దక్కించుకున్న దవల్‌గారి నరేందర్ రెడ్డి

చేవెళ్ల, మేజర్ న్యూస్: చేవెళ్ల మున్సిపాలిటీ పరిధిలోని పామెన గ్రామంలో నవరాత్రి ఉత్సవాలను భక్తిశ్రద్ధలతో నిర్వహించారు. ఈ సందర్భంగా రాజరాజేశ్వరి అవతారంలో అమ్మవారు ధరించిన చీరను వేలంపాటలో దవల్‌గారి నరేందర్ రెడ్డి రూ.65 వేలకు దక్కించుకున్నారు.నవరాత్రి ఉత్సవాల్లో భాగంగా అమ్మవారికి ప్రత్యేక పూజలు, అలంకరణలు నిర్వహించడంతో గ్రామంలో భక్తిమయ వాతావరణం నెలకొంది. వేలంపాటలో దక్కించుకున్న అమ్మవారి చీరను స్థానిక కౌన్సిలర్ దవల్‌గారి గోపాల్ రెడ్డి, ఉత్సవ కమిటీ సభ్యులు కలిసి నరేందర్ రెడ్డితో పాటు ఆయన కుటుంబ సభ్యులకు అందజేశారు.ఈ కార్యక్రమంలో స్థానిక కౌన్సిలర్ దవల్‌గారి గోపాల్ రెడ్డి, మాజీ ఎంపీటీసీ సత్యనారాయణ చారి, దవల్‌గారి శ్రీనివాస్ రెడ్డి, విజయ్, ఉత్సవ కమిటీ సభ్యులు తదితరులు పాల్గొన్నారు.