చింతల్‌గట్టులో దుర్గామాతను దర్శించుకున్న ఎస్‌ఐ నరేష్

కోహీర్;కోహీర్ మండలం చింతల్‌గట్టు గ్రామంలో శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఈ సందర్భంగా గ్రామంలో కొలువుదీరిన దుర్గామాతను కోహీర్ ఎస్‌ఐ నరేష్ దర్శించుకుని ప్రత్యేక పూజల్లో పాల్గొన్నారు. అనంతరం నిర్వహించిన అన్నప్రసాద వితరణ కార్యక్రమంలో పాల్గొని అన్నప్రసాదాలను స్వీకరించారు.ఈ సందర్భంగా ఎస్‌ఐ నరేష్ మాట్లాడుతూ గ్రామ ప్రజలందరూ ఐకమత్యంతో కలిసిమెలిసి ఉండాలని, పండుగలను ప్రశాంత వాతావరణంలో భక్తిశ్రద్ధలతో జరుపుకోవాలని సూచించారు. గ్రామంలో శాంతిభద్రతల పరిరక్షణకు ప్రతి ఒక్కరూ సహకరించాలని కోరారు. నవరాత్రి ఉత్సవాల సందర్భంగా భక్తులు పెద్ద సంఖ్యలో పాల్గొన్నారు.