భక్తిశ్రద్ధలతో దుర్గమ్మ శోభాయాత్ర

కొల్చారం;కొల్చారం మండల వ్యాప్తంగా దుర్గాభవాని నవరాత్రి ఉత్సవాల్లో భాగంగా వివిధ రూపాల్లో భక్తులు అమ్మవారిని నవరాత్రు లు భక్తిశ్రద్ధలతో పూజించారు బుధవారం అమ్మవారి శోభాయాత్రను భక్తిశ్రద్ధలతో, ఘనంగా నిర్వహించారు. అమ్మవారిని ప్రత్యేకంగా అలంకరించి పూజలు నిర్వహించిన అనంతరం శోభాయాత్ర చేపట్టారు. భక్తులు పెద్ద సంఖ్యలో పాల్గొని అమ్మవారికి ప్రత్యేక పూజలు చేసి మొక్కులు చెల్లించుకున్నారు.మంగళ వాయిద్యాలు, భక్తుల జయజయధ్వానాల మధ్య శోభాయాత్ర భక్తిమయ వాతావరణంలో సాగింది. అమ్మవారి ఆశీస్సులతో మండల గ్రామ ప్రజలందరూ సుఖసంతోషాలతో, ఆయురారోగ్యాలతో ఉండాలని భక్తులు ప్రార్థించారు. ఈ కార్యక్రమంలో దుర్గ భవాని కమిటీ సభ్యులు గ్రామ ప్రజలు, మహిళలు, యువకులు, భక్తులు పాల్గొన్నారు.