త్రాగుడుకు బానిసై వ్యక్తి ఉరి వేసుకుని ఆత్మహత్య.

సూర్య, నాగిరెడ్డి పేట్: త్రాగుడుకు బానిసై వ్యక్తి ఉరివేసుకొని ఆత్మహత్య చేసుకున్న ఘటన మండలంలోని బొల్లారం గ్రామంలో చోటుచేసుకుంది. స్థానిక ఎస్సై భార్గవ్ గౌడ్ తెలిపిన వివరాల ప్రకారం.. మండలంలోని బొల్లారం గ్రామానికి చెందిన నుక్కని పోచయ్య (44) కూలి పని చేస్తూ జీవనం కొనసాగించేవాడని, కాగా గత కొంతకాలంగా తాగుడుకు బానిసై భార్యతో గొడవ పడి మంగళవారం రాత్రి బొల్లారం చెరువు కట్ట పై గల ఓ చెట్టుకు ఉరి వేసుకున్నాడన్నారు.  మృతుడికి భార్య స్వరూప, ఒక కూతురు ఉన్నట్లు ఎస్సై తెలిపారు. మృతుని కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై భార్గవ్ గౌడ్ తెలిపారు.