తహసిల్దార్ కార్యాలయంలో కమనీయ తెలంగాణ సంస్కృతి అంబరాన్నింటిన బతుకమ్మ సంబరాలు

అమీన్పూర్; తహసిల్దార్ కార్యాలయంలో సాధారణంగా రికార్డులు, అర్జీలు, ప్రజల సమస్యలతో బిజీ బిజీగా ఉండే వాతావరణముంటుంది. అలాంటి చోట బతుకమ్మ పండుగ ను ఘనంగా నిర్వహించారు. తాసిల్దార్ కార్యాలయ ఆవరణలో ఏర్పాటు చేసిన బతుకమ్మలకు తహసిల్దార్ వెంకటేష్ ప్రత్యేక పూజలు నిర్వహించి వేడుకలను ఘనంగా ప్రారంభించారు.కార్యాలయంలో మహిళా ఉద్యోగులందరూ ఐక్యంగా సాంప్రదాయ దుస్తులో హాజరై బతుకమ్మ సంబరాలను అత్యంత వైభవంగా నిర్వహించారు. మురిపించిన పూల అమరిక, తంగేడు, గునుగు, చామంతి, గులాబీ, బంతిపూలతో ఆఫీస్ ఆవరణలో ఆకర్షణీయమైన బతుకమ్మలను స్వయంగా పేర్చి పండుగ శోభను తెచ్చారు. ఆకట్టుకున్న బతుకమ్మ ఆటలు, ఆఫీస్ విధుల ఒత్తిడిని పక్కనపెట్టి మహిళా సిబ్బంది అందరూ ఒకే వలయంగా ఏర్పడి జానపద పాటలకు అనుగుణంగా బతుకమ్మ ఆడడం విశేషంగా నిలిచింది. సమైక్యత సాంస్కృతిక బంధం, హోదాలు రాతకోతలు సరిహద్దులు దాటి ఒకే కుటుంబంలో పండుగ చేసుకోవడం ద్వారా ఉద్యోగుల మధ్య ఐక్యత సోదరీబావం మరింత బలపడ్డాయని పేర్కొన్నారు. సందర్భంగా తహసిల్దార్ వెంకటేష్ మాట్లాడుతూ.... తెలంగాణ సంస్కృతికి ప్రతీక ప్రకృతిని పూలను పూజించే తెలంగాణ విశిష్ట సంస్కృతికి బతుకమ్మ పండుగ నిదర్శనమని ఇటువంటి వేడుకలు ఉద్యోగుల మధ్య సోదర భావని పెంచుతాయని ఈ సందర్భంగా ఆయన పేర్కొన్నారు.