సూర్యోదయ కాలనీలో... 15 రోజులుగా తాగునీటి కష్టాలు!

భూగర్భ డ్రైనేజీ పనులతో పగిలిన పైపులైన్లు.. అధికారుల మధ్య సమన్వయ లోపం

గండిపేట్ : రాజేంద్రనగర్ సర్కిల్ పరిధిలోని బండ్లగూడ డివిజన్‌ సూర్యోదయ కాలనీలో తాగునీటి సమస్య తీవ్రంగా మారింది. భూగర్భ డ్రైనేజీ పనుల్లో మంచినీటి పైపులైన్లు దెబ్బతినడంతో రోడ్డు నంబర్లు 1, 3తో పాటు పరిసర ప్రాంతాల్లో 15 రోజులుగా నీటి సరఫరా నిలిచిపోయిందని స్థానికులు ఆవేదన వ్యక్తం చేస్తున్నారు.

సమస్యను జీహెచ్‌ఎంసీ, జలమండలి అధికారుల దృష్టికి తీసుకెళ్లినా స్పందన లేదని, ఒక శాఖ పరిధిలోకి రాదని మరో శాఖ బాధ్యత తప్పించుకుంటోందని వారు ఆరోపిస్తున్నారు. సంబంధిత అధికారులు సమన్వయంతో దెబ్బతిన్న నాలుగు అంగుళాల పైపులైన్లతో పాటు ప్రధాన పైపులైన్లకు మరమ్మతులు చేపట్టి తక్షణమే నీటి సరఫరాను పునరుద్ధరించాలని కోరుతున్నారు. సమస్య పరిష్కారం కాకపోతే హెచ్‌ఎండబ్ల్యూఎస్‌ఎస్‌బీ కిస్మత్‌పూర్ సెక్షన్ కార్యాలయం ఎదుట నిరసన చేపడతామని హెచ్చరించారు.

గండిపేట్ మేజర్ న్యూస్: (అక్టోబర్ 18)