అమ్మవారి చల్లని చూపు ప్రజలందరిపై ఉండాలి

*అమ్మవారి చల్లని చూపు ప్రజలందరిపై ఉండాలి

 *దేవి నవరాత్రి ఉత్సవాల్లో పాల్గొన్న డిసిసి అధ్యక్షురాలు చిగురింత పారిజాత నరసింహారెడ్డి.    

          జల్ పల్లి:  ఆది పరాశక్తి అమ్మవారి దీవెనలు, చల్లని చూపు ప్రజలందరిపై ఎల్లప్పుడూ ఉండాలని రంగారెడ్డి జిల్లా డిసిసి అధ్యక్షురాలు చిగురింత పారిజాత నర్సింహారెడ్డి అన్నారు. దేవీ నవరాత్రి ఉత్సవాల్లో భాగంగా శనివారం జిహెచ్ఎంసి పరిధి నాదర్గుల్ డివిజన్ తిరుమల నగర్, జల్ పల్లి డివిజన్ శ్రీరామ కాలనీలో ప్రతిష్టించిన శ్రీ దుర్గా మాత మండపాలను సందర్శించి, అమ్మవారికి ప్రత్యేక పూజలు నిర్వహించారు. అనంతరం బడంగ్ పేట్ డివిజన్ పరిధిలోని సాయి నగర్ కాలనీలో ప్రత్యేకంగా ఏర్పాటు చేసిన దాండియా కార్యక్రమంలో పాల్గొని, మహిళలతో కలిసి దాండియా ఆడుతూ సందడి చేశారు. సందర్భంగా ఆమెను మాట్లాడుతూ. దేవి నవరాత్రి ఉత్సవాలను పురస్కరించుకొని రంగారెడ్డి జిల్లా ప్రజలందరికీ ముందస్తు దసరా శుభాకాంక్షలు తెలిపారు. దుర్గామాత చల్లని చూపు ప్రజలందరిపై ఎల్లప్పుడూ ఉండాలని ఆకాంక్షించారు. ఈ కార్యక్రమంలో కాంగ్రెస్ నాయకులు దూడల సుధాకర్ గౌడ్, మస్న రవికుమార్, గుద్దేటి బిక్షపతి, కంది బిక్షపతి, అమ్మవారి ఉత్సవాల నిర్వాహకులు, స్థానిక ప్రజలు, భక్తులు పాల్గొన్నారు.     

అంకం జగన్ : మేజర్ న్యూస్.