అమ్మవారి ఆశీస్సులతో అందరూ ప్రజలందరూ సంతోషంగా ఉండాలి దేవీ మండపాలను దర్శించిన ఎమ్మెల్యే మర్రి రాజశేఖర్ రెడ్డి

మల్కాజిగిరి, మేజర్ న్యూస్:.అమ్మవారి కృపాకటాక్షాలతో  నియోజకవర్గం ప్రజలం దరూ సుఖసంతోషాలతో ఉండాలని మల్కాజిగిరి ఎమ్మెల్యే మర్రి రాజశేఖర్ రెడ్డి ఆకాంక్షించారు. దసరా పురస్కరించుకుని శ్రీదేవి నవరాత్రి ఉత్సవాలలో భాగంగా  మల్కాజిగిరి నియోజకవర్గంలోని మౌలాలి,
వినాయక్ నగర్, నేరేడ్‌మెట్ డివిజన్‌ లలోని  ఏర్పాటు చేసిన 15 దేవీ మండపాలను ఎమ్మెల్యే సందర్శించి అమ్మవారి ప్రత్యేక పూజ కార్యక్రమంలో పాల్గొని ఆశీస్సులు అందుకున్నారు. 

ఈ సందర్భంగా ఎమ్మెల్యే మర్రి రాజశేఖర్ రెడ్డి మాట్లాడుతూ, అమ్మ వారి దీవెనలతో ప్రజలందరూ ఆయురారో గ్యాలు, అష్టైశ్వర్యాలతో ఇంటిల్లిపాదితో ఆనందంగా ఉండాలని కోరుకున్నారు. ప్రార్థించినట్లు తెలిపారు. శ్రీదేవి నవరాత్రి ఉత్సవాలు ప్రజల్లో భక్తిభావాన్ని, ఆధ్యాత్మిక చింతనను పెంపొందించడంతో పాటు సమా జంలో ఐక్యత, సోదరభావం, సామరస్యాన్ని మరింత బలోపేతం చేస్తాయన్నారు. ఈ కార్యక్రమంలో బీఆర్ఎస్ సీనియర్  నేతలు బద్దం పరుశురాం రెడ్డి, జీకే హనుమంతరావు, జేఏసీ వెంకన్న, గ్రేటర్ మాజీ కార్యదర్శి  అమీ నుద్దీన్, సీనియర్ నేత భాగ్యనంద్ రావు, జోగు శ్రీనివాస్, బుద్ది నర్సింగ్ రావు, మహేష్ గౌడ్,  నవాబ్, తదితరులు  పాల్గొన్నారు.