స్కాముల చరిత్ర బీఆర్‌ఎస్‌దే!
స్కాముల చరిత్ర బీఆర్‌ఎస్‌దే!
– కాంగ్రెస్ పట్టణ అధ్యక్షుడు సూర దేవరాజు ధ్వజం
సూర్య రాజన్న సిరిసిల్ల జిల్లా ప్రతినిధి : కాంగ్రెస్ ప్రభుత్వం ప్రజా సంక్షేమమే ధ్యేయంగా స్కీములతో ముందుకెళ్తుంటే, గత పదేళ్ల పాలనలో అవినీతి, అక్రమాలు, కుంభకోణాలకు పాల్పడిన బీఆర్‌ఎస్ నాయకులు ప్రభుత్వంపై బురదజల్లే ప్రయత్నం చేస్తున్నారని సిరిసిల్ల కాంగ్రెస్ పార్టీ పట్టణ అధ్యక్షుడు సూర దేవరాజు మండిపడ్డారు. శనివారం సిరిసిల్ల ప్రెస్ క్లబ్‌లో ఏర్పాటు చేసిన విలేకరుల సమావేశంలో ఆయన మాట్లాడారు.లక్షల కోట్లు ఖర్చు పెట్టి నిర్మించిన కాళేశ్వరం ప్రాజెక్టు నాణ్యత లోపం వల్లే కుంగిపోయిందని, రైతులకు నీరందకపోవడానికి గత పాలకుల పాపమే కారణమని విమర్శించారు. గతంలో సెస్ (CESS)లో సుమారు ₹94 కోట్ల మేర జరిగిన నిధుల గోల్‌మాల్‌ను కప్పిపుచ్చుకునేందుకు రికార్డులు తగులబెట్టారని ఆరోపించారు.కాంగ్రెస్ ప్రభుత్వం వచ్చిన తర్వాతే మహిళలకు ఉచిత బస్సు ప్రయాణం, 500కే గ్యాస్ సిలిండర్, ఉచిత విద్యుత్, రైతులకు గిట్టుబాటు ధరతో పాటు బోనస్ అందిస్తూ ఆదుకుంటోందని తెలిపారు. ప్రజా సమస్యలు పట్టించుకోకుండా సీఎంపై, ప్రభుత్వంపై నిరాధార ఆరోపణలు చేస్తే చూస్తూ ఊరుకోబోమని హెచ్చరించారు.ఈ సమావేశంలో కాంగ్రెస్ పార్టీ ప్రధాన కార్యదర్శి నరేష్, నాయకులు రాగుల జగన్, బోప్ప దేవయ్య, ఆకునూరి బాలరాజు తదితరులు పాల్గొన్నారు
