సీతారామ భద్ర క్షేత్ర నిర్మాణానికి మాజీ సర్పంచ్ విరాళం

సూర్య- బిక్కనూర్ : మండలంలోని రామేశ్వర్ పల్లి గ్రామంలో నిర్మిస్తున్న,సీతారామ భద్ర క్షేత్ర నిర్మాణానికి గ్రామ మాజీ సర్పంచ్ నాగర్తి పోతిరెడ్డి నలభై వేల రూపాయల విరాళాన్ని శుక్రవారం ఆలయ కమిటీ సభ్యులకు అందజేశారు. ఈ సందర్భంగా ఆలయ కమిటీ సభ్యులు మాట్లాడుతూ ఆలయ నిర్మాణానికి భక్తులు పెద్ద ఎత్తున ఆర్థిక సహాయ సహకారాలు అందజేయాలని కోరారు. అనంతరం మాజీ సర్పంచ్ పోతిరెడ్డిని శాలువా కప్పి ఘనంగా సత్కరించారు. ఈ కార్యక్రమంలో జిల్లా గ్రంథాలయ సంస్థ చైర్మన్ మద్ది చంద్రకాంత్ రెడ్డి, సొసైటీ చైర్మన్ ఇంద్రకరణ్ రెడ్డి, మాజీ సొసైటీ చైర్మన్ భూమిరెడ్డి, గ్రామాభివృద్ధి కమిటీ అధ్యక్షుడు సూర్యకాంత్ రెడ్డి, మాజీ అధ్యక్షుడు తక్కల్ల నర్సారెడ్డి, మార్కెట్ కమిటీ డైరెక్టర్ రమేష్ రెడ్డి, ఆలయ కమిటీ సభ్యులు రవీందర్ రెడ్డి, తక్కల్ల బాపు రెడ్డి, యాదిరెడ్డి, ఆలయ కమిటీ సభ్యులు ఉన్నారు