ప్రధాన రహదారిపై నిలిపివేస్తున్న వాహనాలు..

సూర్య బెజ్జుర్ :కొమరం బీమ్ ఆసిఫాబాద్ జిల్లా బెజ్జూర్ మండల కేంద్రంలోని ప్రధాన రహదారిపై అడ్డదిడ్డంగా వాహనాలను నిలిపివేయడం వల్ల స్థానిక ప్రజలు, ప్రయాణికులు తీవ్ర ట్రాఫిక్ ఇబ్బందులను ఎదుర్కొంటున్నారు.మండల కేంద్రంలోని ప్రధాన కూడళ్లు, ఇరుకైన రోడ్లపై, ముఖ్యంగా వారంతపు సంత, రోజుల్లో వ్యాపార సముదాయాల ముందు, నడిరోడ్డుపైనే లారీలు, ఆటోలు, ద్విచక్ర వాహనాలను నిలపడం వల్ల రాకపోకలు పూర్తిగా స్తంభించిపోతున్నాయి. ఎదుర్కొంటున్న ప్రధాన
ఇరుకైన రహదారిపై ఇష్టారాజ్యంగా వాహనాలు పార్క్ చేయడం వల్ల ఆర్టీసీ బస్సులు, అత్యవసర అంబులెన్స్ వాహనాలు కూడా ముందుకు కదల్లేని పరిస్థితి ఏర్పడుతోంది.ప్రధాన రహదారి పక్కన భారీ వాహనాలను నిలపడం వల్ల ఎదురుగా వచ్చే వాహనాలు కనిపించక తరచూ చిన్న చిన్న ప్రమాదాలు జరుగుతున్నాయి.రోడ్డు మార్జిన్లు మొత్తం పార్కింగ్ వాహనాలతో నిండిపోవడంతో ప్రజలు రోడ్డు మధ్యలో నుంచే నడవాల్సి వస్తోంది.

- పరిష్కారానికి చర్యలు:ఈ సమస్యపై స్థానిక పోలీసులు, అధికారులు స్పందించి రోడ్డుపై అక్రమంగా వాహనాలు నిలిపే వారిపై ట్రాఫిక్ చలాన్లు (నో పార్కింగ్ కేసులు) నమోదు చేయాలని, ప్రధాన ప్రాంతాల్లో సైన్ బోర్డులు ఏర్పాటు చేయాలని స్థానికులు కోరుతున్నారు.