పంట చేతికొచ్చే వేళ.. విద్యుత్‌ అంతరాయాలు వద్దు! లో వోల్టేజీ సమస్యలు లేకుండా నిరంతర సరఫరా చేయాలి రైతులను అన్ని విధాలా ఆదుకుంటున్న కాంగ్రెస్ ప్రభుత్వం

కొండాపూర్;వరి పంట చేతికొచ్చే కీలక సమయంలో విద్యుత్‌ అంతరాయాలు, లో వోల్టేజీ సమస్యలు తలెత్తకుండా అధికారులు అప్రమత్తంగా ఉండాలని కాంగ్రెస్ పార్టీ సీనియర్ నాయకులు రామారావు దేశ్‌పాండే కోరారు. పంటలు పూర్తయ్యే వరకు రైతులకు నిరంతరాయంగా విద్యుత్‌ సరఫరా చేసి, సాగునీటికి ఇబ్బందులు లేకుండా చూడాలన్నారు. ఎల్‌నినో ప్రభావంతో వర్షాభావ పరిస్థితులు ఏర్పడినా తాగునీటి సమస్యలు తలెత్తకుండా ముందస్తు చర్యలు చేపట్టాలని సూచించారు. రైతులను అన్ని విధాలా ఆదుకునేందుకు కాంగ్రెస్ ప్రభుత్వం సిద్ధంగా ఉందని, నీటిని, విద్యుత్‌ను పొదుపుగా వినియోగించుకోవాలని రామారావు దేశ్‌పాండే తెలిపారు.