telanagana
పరిగి ఎమ్మెల్యే నివాసంలో నేడు బతుకమ్మ సంబరాలు
పరిగి, మేజర్ న్యూస్: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సంబరాలు ఆదివారం పరిగి ఎమ్మెల్యే డాక్టర్‌ టి. రామ్మోహన్‌ రెడ్డి నివాసంలో ఘనంగా నిర్వహించనున్నారు. ఎమ్మెల్యే సతీమణి శ్రీమతి ఉమా రామ్మోహన్‌ రెడ్డి ఆధ్వర్యంలో సాయంత్రం 5 గంటలకు వేడుకలు జరగనున్నాయి.ఈ సందర్భంగా పరిగి నియోజకవర్గంలోని మహిళలందరూ కుటుంబ సమేతంగా హాజరై బతుకమ్మ సంబరాల్లో పాల్గొని పండుగను ఆనందోత్సాహాలతో జరుపుకోవాలని నిర్వాహకులు ఆహ్వానించారు. తెలంగాణ ఆడపడుచుల ఆత్మీయతకు, ప్రకృతి ఆరాధనకు ప్రతీకైన బతుకమ్మ పండుగను సంప్రదాయబద్ధంగా నిర్వహించుకుంటూ మన సంస్కృతి, వారసత్వాన్ని కాపాడుకోవాలని పిలుపునిచ్చారు.
