telanagana
నూతన గృహప్రవేశ వేడుకలో గొంగిడి మహేందర్‌రెడ్డి
*-రాజపేటలో కాకల్లా ఉపేందర్‌ ఇంట సందడి*
రాజపేట:మండల కేంద్రంలో పీఏసీఎస్‌ మాజీ వైస్‌ చైర్మన్ కాకల్లా ఉపేందర్‌ నూతన గృహప్రవేశ కార్యక్రమం సందడిగా జరిగింది. ఈ కార్యక్రమానికి డీసీసీబీ మాజీ చైర్మన్ గొంగిడి మహేందర్‌రెడ్డి ముఖ్య అతిథిగా హాజరయ్యారు. నూతన గృహంలోకి అడుగుపెట్టిన ఉపేందర్‌ను ఆయన అభినందించి శుభాకాంక్షలు తెలిపారు.ఈ సందర్భంగా నూతన గృహప్రవేశ వేడుకలో పాల్గొని ఉపేందర్‌ కుటుంబ సభ్యులతో ఆత్మీయంగా ముచ్చటించారు. కొత్త ఇంటిలో ఉపేందర్‌ కుటుంబం సుఖసంతోషాలతో, ఆయురారోగ్యాలతో వర్ధిల్లాలని ఆకాంక్షించారు. గృహప్రవేశ కార్యక్రమం కుటుంబ సభ్యులు, బంధుమిత్రుల సమక్షంలో ఆనందోత్సాహాల మధ్య కొనసాగింది.
