మిడ్ మానేర్ జలాశయానికి స్వల్ప వరద.

మిడ్ మానేర్ జలాశయానికి స్వల్ప వరద.

-మానేరుపై నిలకడగా నీటిమట్టం.

సూర్య బోయినపల్లి

మండలంలోని మన్వాడ వద్ద గల మిడ్ మానేరు జలాశయానికి స్వల్పంగా వరద కొనసాగుతోంది. బుధవారం ఉదయం 6 గంటల నాటికి జలాశయ పూర్తిస్థాయి నీటిమట్టం 318 మీటర్లు కాగా, ప్రస్తుత నీటిమట్టం 316.32 మీటర్లకు చేరింది.జలాశయంలో ప్రస్తుతం 23.392 టీఎంసీల నీరు నిల్వ ఉండగా, పూర్తి సామర్థ్యం 27.55 టీఎంసీలు. ఇన్‌ఫ్లో 1111 క్యూసెక్కులుగా ఉంది. ఇందులో గోదావరి పంప్ హౌస్ నుంచి 1000 క్యూసెక్కులు, మానేరు, ములవాగు, వరద కాలువల నుంచి 111 క్యూసెక్కులు వస్తోంది. అవుట్ ఫ్లో 170 క్యూసెక్కులుగా ఉంది.
ప్రస్తుతం స్పిల్ వే గేట్లు ఎత్తలేదని, పరిస్థితిని పర్యవేక్షిస్తున్నట్లు అధికారులు తెలిపారు.