దివ్యాంగులకు సహాయ పరికరాల అందజేత

రామాయంపేట;దివ్యాంగులు ఆర్థికంగా, సామాజికంగా ఎదిగి గౌరవప్రదమైన జీవనం సాగించేలా ప్రతి ఒక్కరూ సహకరించాలని మెదక్ ఎంపీ మాధవేని రఘునందన్‌రావు అన్నారు. దివ్యాంగుల సంక్షేమాన్ని దృష్టిలో ఉంచుకుని రామాయంపేటలో నిర్వహించిన ప్రత్యేక కార్యక్రమంలో 367 మంది దివ్యాంగులకు వివిధ రకాల సహాయక పరికరాలు, సంక్షేమ పథకాల లబ్ధిని అందజేశారు. ఈ సందర్భంగా ఆయన మాట్లాడుతూ.. దివ్యాంగులు ఎలాంటి ఇబ్బందులు ఎదుర్కోకుండా వారికి అవసరమైన సహాయ సహకారాలు అందించాల్సిన బాధ్యత సమాజంపై ఉందన్నారు. దివ్యాంగుల అవసరాలను గుర్తించి, వారికి ఉపయోగపడే సహాయక పరికరాలను అందించడం ద్వారా వారి దైనందిన జీవితాన్ని సులభతరం చేయవచ్చని పేర్కొన్నారు. ప్రభుత్వ సంక్షేమ పథకాల ఫలాలు అర్హులైన ప్రతి ఒక్కరికీ అందేలా అధికారులు, ప్రజాప్రతినిధులు సమన్వయంతో పనిచేయాలని సూచించారు. దివ్యాంగులు ఇతరులపై ఆధారపడకుండా స్వయం సమృద్ధి సాధించేలా ప్రోత్సహించాలని, వారికి విద్య, ఉపాధి అవకాశాలు కల్పించేందుకు కృషి చేయాలని అన్నారు. దివ్యాంగుల జీవన ప్రమాణాలను మెరుగుపరిచేందుకు భవిష్యత్తులోనూ మరిన్ని సేవా కార్యక్రమాలు చేపడతామని హామీ ఇచ్చారు. ఈ కార్యక్రమంలో  రామాయంపేట మున్సిపాలిటీ అధ్యక్షుడు శీలం అవినాష్ రెడ్డి జిల్లా అధ్యక్షుడు వాళ్దాస్ మల్లేశం గౌడ్ మాజీ జిల్లా అధ్యక్షుడు గడ్డం శ్రీనివాస్ రాష్ట్ర కార్యవర్గ సభ్యులు రాగి రాముడు వి హెచ్ పిజిల్లా అధ్యక్షులు పబ్బ సత్యనారాయణ గుప్తా జిల్లా ఉపాధ్యక్షులు 8వ వార్డు కౌన్సిలర్ శంకర్ గౌడ్ జిల్లా ప్రధాన కార్యదర్శి శ్రీనివాస్ జిల్లా ఎస్సీ మోర్చా అధ్యక్షుడు బాలరాజ్ దంతపల్లి సర్పంచ్ సర్పంచులు నిజాంపేట్ సర్పంచ్ చల్మేటి నరేందర్ ప్రవీణ్ బచ్చరాజ్ పల్లి సర్పంచ్ శైలజ శ్రీనివాస్ నవత్ రాజు భాను అనంతలక్ష్మి రమణ చందర్ ఎల్లం దయానంద్ రెడ్డి సంగయ్య కన్నయ్య లావణ్య శేఖర్ రంగయ్య చిన్న నాగరాజు వినయ్ శేఖర్ బండి గిరి అనిల్ స్వామి బాబుతోపాటు స్థానిక బీజేపీ నాయకులు, ప్రజాప్రతినిధులు, వివిధ శాఖల అధికారులు, దివ్యాంగులు, వారి కుటుంబ సభ్యులు, ఇతర ప్రజలు పాల్గొన్నారు.