బిజెపి మహిళా మోర్చా అధ్యక్షురాలుగా మాటూరి

సూర్య, సుల్తానాబాద్

సుల్తానాబాద్ మున్సిపల్ పట్టణ బిజెపి మహిళా మోర్చా అధ్యక్షురాలుగా సీనియర్ బిజెపి నాయకురాలు మాటూరి లతను  పెద్దపల్లి మాజీ ఎమ్మెల్యే గుజ్జుల రామకృష్ణారెడ్డి, జిల్లా అధ్యక్షుడు కర్ర సంజీవరెడ్డి, కడారి అశోక్ రావు ఆదేశాల మేరకు బిజెపి పట్టణ అధ్యక్షుడు కూకట్ల నాగరాజు నియామక ఉత్తర్వులు జారీ చేశారు. ఈ సందర్భంగా నూతనంగా నియామకమైన మాటూరి లత మాట్లాడుతూ పార్టీ అభివృద్ధి కొరకు తన వంతు కృషి చేస్తానని, భారత ప్రధాని మోదీ నాయకత్వంలో భారత దేశం అభివృద్ధి వైపు పయనిస్తుందని యువత పెద్ద ఎత్తున బిజెపి వైపు ఆకర్షితులవుతున్నారని అన్నారు. తన నియామకానికి సహకరించిన పెద్దలకు కృతజ్ఞతలు తెలిపారు. నియామకం పట్ల పలువురు బిజెపి జిల్లా, మండల, పట్టణ నాయకులు హర్షం వ్యక్తం చేశారు