అనారోగ్య బాధితురాలికి రూ.2.50 లక్షల ఎల్‌ఓసీ అందజేత

సూర్య, మాక్లూర్:
మాక్లూర్ మండలం అమ్రాద్ తండాకు చెందిన మాలోత్ లక్ష్మి అనారోగ్యంతో బాధపడుతూ శస్త్రచికిత్స నిమిత్తం హైదరాబాద్‌లోని నిమ్స్ ఆసుపత్రిలో చేరారు. ఆమె చికిత్సకు ఆర్థిక సహాయం అందించాలని కాంగ్రెస్ నాయకులు ఆర్మూర్ నియోజకవర్గ కాంగ్రెస్ పార్టీ ఇంచార్జి ప్రొద్దుటూరి వినయ్ కుమార్ రెడ్డిని కోరారు. దీనిపై స్పందించిన వినయ్ కుమార్ రెడ్డి, ముఖ్యమంత్రి సహాయ నిధి ద్వారా రూ.2,50,000 విలువైన ఎల్‌ఓసీ మంజూరుకు కృషి చేశారు. నిజామాబాద్ జిల్లా ఇంచార్జి మంత్రి ధనసరి అనసూయ సీతక్క సహకారంతో మంజూరైన ఎల్‌ఓసీ పత్రాన్ని హైదరాబాద్‌లోని జూబ్లీహిల్స్ కార్యాలయంలో బాధితురాలి కుటుంబ సభ్యులకు వినయ్ కుమార్ రెడ్డి అందజేశారు. ఈ సందర్భంగా బాధితురాలి కుటుంబ సభ్యులు వినయ్ కుమార్ రెడ్డి, మంత్రి సీతక్కకు ప్రత్యేక కృతజ్ఞతలు తెలిపారు.