national
209 స్థానాలకు అభ్యర్థుల ఖరారు?
లక్నో: వచ్చే ఏడాది జరగనున్న ఉత్తరప్రదేశ్ అసెంబ్లీ ఎన్నికలకు అధికార భారతీయ జనతా పార్టీ (బీజేపీ) సమాయత్తమవుతోంది. రాష్ట్రంలోని మొత్తం 403 నియోజకవర్గాలకు గాను తొలి విడతగా 209 స్థానాలకు అభ్యర్థుల ఎంపిక ప్రక్రియను రాష్ట్ర నాయకత్వం పూర్తి చేసినట్లు జాతీయ మీడియా వర్గాల సమాచారం. ఖరారు చేసిన ప్రాథమిక జాబితాను తుది ఆమోదం కోసం ఢిల్లీలోని పార్టీ కేంద్ర నాయకత్వానికి పంపినట్లు తెలుస్తోంది.
ఈసారి 300 కంటే ఎక్కువ సీట్లు సాధించి మూడోసారి రికార్డు స్థాయిలో అధికారాన్ని చేజిక్కించుకోవాలని బీజేపీ లక్ష్యంగా పెట్టుకుంది. మరోవైపు రాష్ట్రంలోని మహిళా ఓటర్లను ఆకట్టుకోవడమే ధ్యేయంగా ప్రభుత్వం ప్రత్యేక సంక్షేమ ప్యాకేజీని ప్రకటించింది.
