రిలేషనల్ డేటాబేస్ విభాగంలో 'ఏడబ్ల్యూఎస్ డేటా కాంపిటెన్సీ' హోదా దక్కించుకున్న క్లిక్
సూర్య టెక్నాలజీ డెస్క్: డేటా అనలిటిక్స్ మరియు ఇంటిగ్రేషన్ సొల్యూషన్స్ సంస్థ అయిన క్లిక్ , అమెజాన్ వెబ్ సర్వీసెస్ నుంచి ప్రతిష్టాత్మక గుర్తింపును పొందింది. రిలేషనల్ డేటాబేస్ కేటగిరీలో సంస్థకు 'ఏడబ్ల్యూఎస్ డేటా కాంపిటెన్సీ' హోదా లభించింది. అమెజాన్ వెబ్ సర్వీసెస్‌పై యూనిఫైడ్ డేటా ఆర్కిటెక్చర్‌లను సమర్థవంతంగా అందించడంలో క్లిక్ కనబరిచిన నైపుణ్యానికి ఈ గుర్తింపు దక్కింది.
ఆధునిక అనలిటిక్స్, ఆర్టిఫిషియల్ ఇంటెలిజెన్స్ (AI) వర్క్‌లోడ్ల కోసం పటిష్టమైన డేటా పునాదులను నిర్మించడంలో వివిధ వ్యాపార సంస్థలకు క్లిక్ అందిస్తున్న తోడ్పాటును ఈ హోదా ప్రతిబింబిస్తోందని ప్రతినిధులు తెలిపారు. క్లౌడ్ ప్లాట్‌ఫామ్‌లలో డేటా నిర్వహణను సులభతరం చేయడంతో పాటు, వ్యాపార సంస్థలు వేగవంతమైన నిర్ణయాలు తీసుకునేందుకు ఈ సాంకేతిక పరిష్కారాలు ఎంతగానో దోహదపడతాయని వెల్లడించారు.
ఏడబ్ల్యూఎస్ భాగస్వామ్యంతో ఎంటర్‌ప్రైజ్ కస్టమర్లకు మరింత సురక్షితమైన, వేగవంతమైన డేటా మేనేజ్‌మెంట్ సేవలను విస్తరించనున్నట్లు క్లిక్ సంస్థ పేర్కొంది. క్లౌడ్ డేటా మైగ్రేషన్ మరియు ఏఐ సాంకేతికతలను విస్తృతంగా వినియోగిస్తున్న సంస్థలకు ఈ సహకారం గణనీయమైన ప్రయోజనం చేకూర్చనుంది.
