నేను సన్నీ లియోన్ లాంటివాడిని.. ఇక దాచడానికి ఏమీ లేదు: జ్యోతిష్కుడు వేణుస్వామి సంచలన వ్యాఖ్యలు
సూర్య ఎంటర్‌టైన్‌మెంట్ డెస్క్: ప్రముఖ సెలబ్రిటీలు మరియు రాజకీయ నాయకుల జాతకాలు చెబుతూ నిత్యం వివాదాలతో సోషల్ మీడియాలో హాట్ టాపిక్‌గా నిలిచే ప్రముఖ జ్యోతిష్కుడు వేణుస్వామి మరోసారి సంచలన వ్యాఖ్యలతో వార్తల్లో నిలిచారు. తనపై వస్తున్న ట్రోలింగ్స్ మరియు కాంట్రవర్సీలపై ఎవరూ ఊహించని రీతిలో ఆయన స్పందించారు. తాజాగా జరిగిన చంద్రయాన్ సినిమా ప్రెస్ మీట్‌లో పాల్గొన్న వేణుస్వామి, తనను తాను బాలీవుడ్ నటి సన్నీ లియోన్‌తో పోల్చుకుంటూ చేసిన వ్యాఖ్యలు ప్రస్తుతం సినీ వర్గాల్లో తీవ్ర చర్చనీయాంశంగా మారాయి.
తెలుగు రాష్ట్రాల్లో జీవన విధానం గురించి మాట్లాడుతూ, ఇక్కడ బతకాలంటే గణితం ప్రకారం రెండు రెండూ నాలుగు అంటే కుదరదని, పరిస్థితులకు తగినట్లుగా రెండు రెండూ ఐదు అనాల్సి వస్తుందని ఆయన వ్యాఖ్యానించారు. తాను తన దుకాణాన్ని రోడ్డు మీదనే పెట్టుకున్నానని, తనపై ఎవరెవరు ఎలా స్పందించినా తనకు ఎలాంటి ఇబ్బంది లేదని స్పష్టం చేశారు. ఈ క్రమంలోనే తాను సన్నీ లియోన్ లాంటివాడినని, అందరూ ఇప్పటికే తన బట్టలు ఇప్పేసుకున్నారని, ఇక తన దగ్గర కొత్తగా దాచడానికి గానీ, విప్పడానికి గానీ ఏమీ మిగల్లేదని ఆయన ఓపెన్‌గా మాట్లాడారు.
సామాజిక మాధ్యమాలలో హైప్ రావాలన్నా, జనం దృష్టిని ఆకర్షించాలన్నా కొన్నిసార్లు వివాదాలు చేయడం చాలా అవసరమని ఆయన అభిప్రాయపడ్డారు. వివాదాల ద్వారానే సోషల్ మీడియాలో పైకి వెళ్లగలమని ఆయన కుండబద్దలు కొట్టారు. రాజ్యాంగం కల్పించిన స్వేచ్ఛ మేరకే తాను జాతకాలు చెబుతున్నానని, ప్రజల నుంచి ఎంత వ్యతిరేకత వచ్చినా తాను వెనక్కి తగ్గేది లేదని ఆయన తేల్చిచెప్పారు. ఏదేమైనప్పటికీ, చంద్రయాన్ సినిమా ప్రెస్ మీట్‌లో వేణుస్వామి చేసిన ఈ వివాదాస్పద వ్యాఖ్యలు ప్రస్తుతం నెట్టింట వైరల్‌గా మారడంతో పాటు సోషల్ మీడియాలో పెద్ద ఎత్తున చర్చకు దారితీస్తున్నాయి.
