రాఘవ లారెన్స్ ప్రతిష్టాత్మక 25వ సినిమాకు టైటిల్ ఫిక్స్: పవర్ఫుల్ లుక్తో ‘మహావీర్ కర్ణ’ ఫస్ట్ లుక్ పోస్టర్ విడుదల
సూర్య సినిమా డెస్క్: తమిళ సినిమాలలో నృత్య దర్శకుడిగా ప్రస్థానం మొదలుపెట్టి, అనతికాలంలోనే ఎన్నో విజయవంతమైన పాటలకు కొరియోగ్రఫీ అందించి గుర్తింపు తెచ్చుకున్నారు రాఘవ లారెన్స్. ఆ తర్వాత నటనారంగంలో ప్రవేశించి ఆక్షన్, హారర్, కామెడీ వంటి అన్ని రకాల భావోద్వేగాలను పండించి నటుడిగా మంచి గుర్తింపు తెచ్చుకున్నారు. కేవలం నటుడిగానే కాకుండా దర్శకత్వ రంగంలోకి అడుగుపెట్టి అక్కడ కూడా వరుస విజయాలను సొంతం చేసుకున్నారు. తమిళంతో పాటు తెలుగులోనూ లారెన్స్కు ప్రత్యేకమైన అభిమానగణం ఉంది.
ఇదిలాఉంటే, ఆయన కెరీర్లో మైలురాయిగా నిలుస్తున్న ప్రతిష్టాత్మక 25వ సినిమాకు సంబంధించిన అప్డేట్ తాజాగా వెలువడింది. ప్రముఖ దర్శకుడు రమేష్ వర్మ దర్శకత్వంలో రాఘవ లారెన్స్ హీరోగా తెరకెక్కుతున్న ఈ భారీ చిత్రానికి 'మహావీర్ కర్ణ' (Mahaveer Karna) అనే టైటిల్ను ఖరారు చేశారు. ఈ చిత్రానికి సంబంధించిన ఫస్ట్ లుక్ పోస్టర్ను తాజాగా విడుదల చేయగా, సోషల్ మీడియాలో విశేష స్పందన లభిస్తోంది.
మహాభారతంలోని ప్రసిద్ధ పాత్ర అయిన కర్ణుడి నేపథ్యంలో వస్తున్న ఈ పౌరాణిక, చారిత్రాత్మక యాక్షన్ ఎంటర్టైనర్లో లారెన్స్ సరికొత్త మరియు పవర్ఫుల్ లుక్లో కనిపించనున్నారు. ఈ సినిమాపై ఆయన అభిమానుల్లో భారీ అంచనాలు నెలకొనగా, చిత్రానికి సంబంధించిన తారాగణం మరియు ఇతర సాంకేతిక నిపుణుల వివరాలను త్వరలోనే అధికారికంగా వెల్లడించనున్నారు.
