పండగ పూట ఘట్టమనేని ఇంట సందడి.. అక్క బర్త్ డే వేడుకల్లో తళుక్కుమన్న సూపర్‌స్టార్!
సూర్య ఎంటర్‌టైన్‌మెంట్ డెస్క్: టాలీవుడ్ సూపర్‌స్టార్ మహేష్ బాబు తన కుటుంబానికి ఎంత ప్రాధాన్యత ఇస్తారో ప్రత్యేకంగా చెప్పనవసరం లేదు. సినిమాలతో ఎంత బిజీగా ఉన్నప్పటికీ కుటుంబ సభ్యులతో గడపడానికి ఆయన ఎప్పుడూ ముందుంటారు. తాజాగా పండగ పూట ఘట్టమనేని ఇంట వేడుకల వాతావరణం నెలకొంది. మహేష్ బాబు సోదరి పుట్టినరోజు వేడుకను కుటుంబ సభ్యులంతా కలిసి అత్యంత ఘనంగా జరుపుకున్నారు. ఈ వేడుకకు సంబంధించిన అరుదైన ఫోటోలు ప్రస్తుతం సోషల్ మీడియాలో వైరల్ అవుతూ అభిమానులను ఎంతగానో ఆకట్టుకుంటున్నాయి.
సూపర్ స్టార్ మహేష్ బాబు తన సోదరి పుట్టినరోజు వేడుకల్లో భాగంగా కుటుంబ సమేతంగా హాజరై సందడి చేశారు. ఈ వేడుకల్లో మహేష్ బాబుతో పాటు ఆయన సతీమణి నమ్రత శిరోద్కర్, కూతురు సితార తదితరులు పాల్గొన్నారు. ఘట్టమనేని కుటుంబ సభ్యులంతా ఒకే ఫ్రేమ్‌లో కనిపించడంతో అభిమానులు ఈ ఫోటోలను సామాజిక మాధ్యమాలలో విపరీతంగా షేర్ చేస్తున్నారు. ముఖ్యంగా ఈ సెలబ్రేషన్స్‌లో మహేష్ బాబు కొత్త లుక్ ప్రత్యేక ఆకర్షణగా నిలిచింది. రాజమౌళి దర్శకత్వంలో తెరకెక్కుతున్న భారీ ప్రాజెక్ట్ కోసం మహేష్ బాబు సరికొత్త మేకోవర్‌లో కనిపిస్తున్న విషయం తెలిసిందే.
అక్క జన్మదిన వేడుకలకు హాజరైన మహేష్ బాబు తన స్టైలిష్ హెుస్టర్ అండ్ గెటప్‌తో అందరి దృష్టిని ఆకర్షించారు. పండగ వాతావరణంలో తోబుట్టువులు, కుటుంబ సభ్యులు అంతా ఒక్కచోట చేరి ఆనందంగా గడపడం పట్ల ఘట్టమనేని అభిమానులు హర్షం వ్యక్తం చేస్తున్నారు. సోషల్ మీడియాలో వైరల్ అవుతున్న ఈ ఫ్యామిలీ పిక్చర్స్‌పై నెటిజన్లు సైతం బెస్ట్ విషెస్ తెలియజేస్తూ కామెంట్లు పెడుతున్నారు.మరోవైపు మహేష్ బాబు సినిమాల విషయానికి వస్తే, దర్శకధీరుడు ఎస్.ఎస్. రాజమౌళి దర్శకత్వంలో రూపుదిద్దుకుంటున్న పాన్ వరల్డ్ చిత్రంపై ప్రపంచవ్యాప్తంగా భారీ అంచనాలు నెలకొన్నాయి.
ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు మరియు లొకేషన్ల ఎంపిక ప్రక్రియ శరవేగంగా జరుగుతోంది. త్వరలోనే ఈ సినిమా షూటింగ్ సెట్స్‌లోకి వెళ్లనున్నట్లు తెలుస్తుండగా, మహేష్ బాబు సరికొత్త మాస్ అండ్ రగ్డ్ లుక్‌లో కనిపించబోతున్నారనే వార్తలు అభిమానుల్లో అంచనాలను తారాస్థాయికి చేర్చుతున్నాయి.
Also Read: థియేటర్లలో మళ్లీ ‘దశావతారం’ సంచలనం.. రీ-రిలీజ్ డేట్ ఫిక్స్ చేసిన మేకర్స్!
