డీజే టిల్లు రేంజ్లో వస్తోన్న ‘అనుమాన పక్షి’.. 100 శాతం బ్లాక్బస్టర్ గ్యారెంటీ అంటున్న డైరెక్టర్ విమల్ కృష్ణ!
సూర్య ఎంటర్టైన్మెంట్ డెస్క్: సంచలన విజయం సాధించిన డీజే టిల్లు చిత్రంతో దర్శకుడిగా తనకంటూ ప్రత్యేక గుర్తింపు తెచ్చుకున్న విమల్ కృష్ణ తాజాగా మరో విభిన్నమైన క్విర్కీ ఎంటర్టైనర్గా తెరకెక్కించిన చిత్రం ‘అనుమాన పక్షి’. రాగ్ మయూర్ హీరోగా నటిస్తున్న ఈ సినిమాపై ఇప్పటికే ప్రేక్షకులలో భారీ అంచనాలు నెలకొనగా, సెప్టెంబర్ 25న థియేటర్లలోకి రానున్న సందర్భంగా చిత్ర యూనిట్ తాజాగా ఘనంగా ప్రెస్ మీట్ నిర్వహించింది. ఈ వేదికగా సినిమా విశేషాలను పంచుకున్న మేకర్స్, ఈ చిత్రం బాక్సాఫీస్ వద్ద సరికొత్త సంచలనాలు సృష్టించడం ఖాయమని ధీమా వ్యక్తం చేశారు.
ఈ చిత్రంలో తన పాత్ర తెలుగు తెరపై ఇప్పటివరకు ఎవరూ చూడని విధంగా చాలా యూనిక్గా ఉంటుందని హీరో రాగ్ మయూర్ వెల్లడించారు. దర్శకుడు విమల్ కృష్ణ తనకు చెప్పిన కథ విన్నప్పుడే ఎంతో సర్ప్రైజింగ్గా అనిపించిందని, ఈ సినిమా కోసం తాము తొమ్మిది నెలల పాటు ఎంతో శ్రమించామని తెలిపారు. చిలక ప్రొడక్షన్స్ సమర్పణలో రాజీవ్ చిలక, రాజేష్ జగ్తియాని, హిరాచంద్ దండ్ అత్యంత ప్రతిష్టాత్మకంగా నిర్మించిన ఈ చిత్రంలో శ్రీచరణ్ పాకాల అందించిన సంగీతం సినిమాకు ప్రధాన ఆకర్షణగా నిలుస్తుందని చిత్ర బృందం పేర్కొంది. హీరోయిన్ మెరీన్ తన పాత్రతో ప్రేక్షకులను కచ్చితంగా అలరిస్తుందని అన్నారు.
దర్శకుడు విమల్ కృష్ణ మాట్లాడుతూ, డీజే టిల్లు సినిమా ప్రేక్షకులను ఏ విధంగా అయితే ఆశ్చర్యపరిచిందో, ఈ అనుమాన పక్షి సినిమా కూడా వంద శాతం అంతకంటే ఎక్కువగా సర్ప్రైజ్ చేస్తుందని స్పష్టం చేశారు. ఎడిటర్ చోటా ప్రసాద్ పర్యవేక్షణలో సినిమాలోని కంటెంట్ మరింత ఎనర్జిటిక్గా వచ్చిందని, ఈ సినిమాతో రాగ్ మయూర్కు మంచి గుర్తింపు దక్కడం ఖాయమని ఆయన పేర్కొన్నారు. సంగీత దర్శకుడు శ్రీచరణ్ పాకాల తన 50వ సినిమాగా వస్తున్న ఈ ప్రాజెక్ట్కి అద్భుతమైన నేపథ్య సంగీతం అందించారని, వినోదభరితంగా సాగే ఈ చిత్రం యూత్ను ఎంతగానో ఆకట్టుకుంటుందని చిత్ర నిర్మాతలు తెలిపారు.
