యువత భవితకు భరోసా

* శ్రీ లెండి కళాశాలలో విద్యార్థులతో ముచ్చటించిన
- ఎంపీ కలిశెట్టి అప్పలనాయుడు

భోగాపురం, సెప్టెంబర్ 29, (మేజర్ న్యూస్):

భోగాపురం మండల కేంద్రంలో ఉన్న శ్రీ లెండి డిగ్రీ కళాశాలలో కూటమి ప్రభుత్వం నిర్వహిస్తున్న *“యువత భవితకు భరోసా కార్యక్రమంలో విజయనగరం పార్లమెంట్ సభ్యులు కలిశెట్టి అప్పలనాయుడుతో కలిసి ఏపీ మార్క్‌ఫెడ్ చైర్మన్, నెల్లిమర్ల టీడీపీ ఇంచార్జి కర్రోతు బంగార్రాజు పాల్గొన్నారు. ఈ సందర్భంగా ఎంపి అప్పలనాయుడు మాట్లాడుతూ యువతకు విద్య, నైపుణ్యాభివృద్ధి, ఉపాధి, ఉద్యోగ అవకాశాలను మరింత చేరువ చేయడమే లక్ష్యంగా కూటమి ప్రభుత్వం చేపడుతున్న కార్యక్రమాలను వివరించారు. యువత తమ ప్రతిభను మెరుగుపరుచుకుని అందుబాటులో ఉన్న అవకాశాలను సద్వినియోగం చేసుకుని భవిష్యత్తులో ఉన్నత స్థాయికి ఎదగాలని ఆకాంక్షించారు. యువతకు మెరుగైన అవకాశాలు కల్పించడం ద్వారా వారి భవిష్యత్తుకు బలమైన పునాది వేయడమే ప్రభుత్వ లక్ష్యమని,ప్రభుత్వం చేస్తున్న వివిధ కార్యక్రమాలను పేర్కొన్నారు. ఈ కార్యక్రమంలో కళాశాల డైరెక్టర్ కిరణ్ కుమార్, అధ్యాపకు సిబ్బంది పాల్గొన్నారు.