విశేష అలంకరణలో శ్రీనివాసుడు

నరసన్నపేట, సూర్య : భాద్రపద మాసం చివరి శనివారం, మహాలయ అమావాస్య సందర్భంగా నరసన్నపేట పట్టణంలోని శ్రీ వేంకటేశ్వర స్వామివారి ఆలయంలో స్వామివారిని విశేషంగా అలంకరించారు. ఆలయ ప్రధాన అర్చకులు చామర్తి సాయి కృష్ణమాచార్యుల ఆధ్వర్యంలో స్వామివారికి ప్రత్యేక పూజలు, అర్చనలు నిర్వహించారు.

అనంతరం భక్తులకు తీర్థప్రసాదాలు అందజేశారు. మహాలయ అమావాస్య, శనివారం సందర్భంగా పెద్ద సంఖ్యలో భక్తులు ఆలయానికి చేరుకుని శ్రీనివాసుడిని దర్శించుకుని మొక్కులు చెల్లించుకున్నారు. ఆలయ ప్రాంగణం భక్తుల సందడితో ఆధ్యాత్మిక శోభను సంతరించుకుంది.

రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.