+విజయవాడకు తరలివస్తున్న సచివాలయ ఉద్యోగులు +జిల్లాల్లోనే అడ్డుకుంటున్న పోలీసులు.. +బస్టాండ్లు, రైల్వేస్టేషన్లలో అదుపులోకి..

విజయవాడ సూర్య ప్రతినిధి : సమస్యల పరిష్కారం కోరుతూ విజయవాడలో నిరసన చేపట్టేందుకు తరలివస్తున్న సచివాలయ ఉద్యోగులను పోలీసులు ఎక్కడికక్కడ అడ్డుకుంటున్నారు. వివిధ జిల్లాల నుంచి విజయవాడకు చేరుకుంటున్న ఉద్యోగులను బస్టాండ్లు, రైల్వేస్టేషన్ల వద్ద అదుపులోకి తీసుకుని పోలీస్‌ స్టేషన్లకు తరలిస్తున్నట్లు ఉద్యోగులు తెలిపారు.

నిరసన కార్యక్రమాలకు అనుమతి లేదని పోలీసులు చెబుతున్నారు. అయితే తాము శాంతియుతంగా నిరసన తెలిపేందుకు వస్తున్నామని, తమ సమస్యలను ప్రభుత్వం దృష్టికి తీసుకెళ్లేందుకు అవకాశం కల్పించాలని ఉద్యోగులు కోరుతున్నారు.

ఉద్యోగులను ముందస్తుగా అడ్డుకోవడంపై వారు అభ్యంతరం వ్యక్తం చేస్తున్నారు. తమ సమస్యలను పరిష్కరించే వరకు ఆందోళన కొనసాగిస్తామని ఉద్యోగ సంఘాల నేతలు పేర్కొంటున్నారు.