వెల్దుర్తి మండలంలో అక్రమ మద్యం విక్రయాలపై పోలీసుల దాడి.. మహిళ అరెస్టు, 10 బాటిళ్ల స్వాధీనం

వెల్దుర్తి, సూర్య ప్రతినిధి మేజర్ న్యూస్ మండలం పుల్లగుమ్మి గ్రామ శివార్లలోని వడ్డె దుబ్బన్న కళ్ళం దొడ్డి సమీపంలో గల ఎయిర్ టెల్ టవర్ వద్ద అక్రమంగా మద్యం బాటిళ్లు విక్రయిస్తున్న మహిళను పోలీసులు అదుపులోకి తీసుకున్నారు. ఆదివారం (18-10-2026) మధ్యాహ్నం 12:30 గంటల సమయంలో ఈ దాడి నిర్వహించినట్లు స్థానిక పోలీసులు తెలిపారు.పుల్లగుమ్మి గ్రామానికి చెందిన బోయ లక్ష్మీదేవి (48, భర్త పేరు లేట్ చిన్న పుల్లయ్య) ఎలాంటి అనుమతులు లేకుండా మద్యం బాటిళ్లు విక్రయిస్తుండగా ఆమెను అరెస్టు చేశామన్నారు. ఆమె వద్ద నుండి 180 ml పరిమాణం గల 10 'రాడికో-99 బ్రాందీ' (Radico-99 Brandy) మద్యం బాటిళ్లను స్వాధీనం చేసుకుని కేసు నమోదు చేసినట్లు పోలీసులు వెల్లడించారు. సూర్య ప్రతినిధి షేక్ దస్తగిరి కర్నూలు జిల్లా వెల్దుర్తి మండలం