వైసీపీని వీడి టీడీపీలో చేరిన 25 కుటుంబాలు

• మంత్రి గొట్టిపాటి రవికుమార్ సమక్షంలో టీడీపీ కండువాలు కప్పుకున్న కుటుంబాలు.

• వైసీపీ ఎంపీటీసీ పానెం శ్రీనివాసరావు, ఉప సర్పంచ్ యద్దనపూడి చింపిరయ్య ఆధ్వర్యంలో చేరికలు

కొరిశపాడు, మేజర్ న్యూస్ : 

కొరిశపాడు మండలంలోని తమ్మవరం గ్రామానికి చెందిన 25 కుటుంబాలు వైసీపీని వీడి తెలుగుదేశం పార్టీలో చేరాయి. సంతమాగులూరులోని మంత్రి క్యాంపు కార్యాలయంలో బుధవారం సాయంత్రం విద్యుత్ శాఖ మంత్రి గొట్టిపాటి రవికుమార్ సమక్షంలో ఈ చేరికలు జరిగాయి.

వైసీపీ ఎంపీటీసీ పానెం శ్రీనివాసరావు, ఉప సర్పంచ్ యద్దనపూడి చింపిరయ్య ఆధ్వర్యంలో 25 కుటుంబాల వారు టీడీపీలో చేరారు. ఈ సందర్భంగా మంత్రి గొట్టిపాటి రవికుమార్ వారికి టీడీపీ కండువాలు కప్పి పార్టీలోకి సాదరంగా ఆహ్వానించారు.

కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలతో పాటు మంత్రి గొట్టిపాటి రవికుమార్ నాయకత్వంలో అద్దంకి నియోజకవర్గంలో జరుగుతున్న అభివృద్ధికి ఆకర్షితులై టీడీపీలో చేరినట్లు వారు తెలిపారు. పార్టీ బలోపేతానికి తమ వంతు కృషి చేస్తామని పేర్కొన్నారు.

ఈ సందర్భంగా మంత్రి గొట్టిపాటి రవికుమార్ మాట్లాడుతూ.. ప్రజల సంక్షేమం, నియోజకవర్గ అభివృద్ధే లక్ష్యంగా కూటమి ప్రభుత్వం పనిచేస్తోందన్నారు. టీడీపీలో చేరిన ప్రతి ఒక్కరికీ పార్టీ అండగా ఉంటుందని తెలిపారు. గ్రామస్థాయిలో పార్టీని మరింత బలోపేతం చేసేందుకు నాయకులు, కార్యకర్తలు సమన్వయంతో పనిచేయాలని సూచించారు.

ఈ కార్యక్రమంలో కరిచేటి రాంబాబు, రామిరెడ్డి ఆంజనేయులు (ఎం.కాం) తదితరులు పాల్గొన్నారు.