ఉమ్మడి కర్నూలు జిల్లాలో కరువు మండలాల ప్రకటన

కర్నూలు: సూర్య ప్రతినిధి: జిల్లాలో తీవ్ర వర్షాభావ పరిస్థితులు నెలకొన్న మండలాల జాబితాను అధికారులు వెల్లడించారు. కర్నూలు జిల్లాలో మొత్తం 15 మండలాలు తీవ్ర వర్షాభావ మండలాలుగా గుర్తించినట్లు వివరాలు సూచిస్తున్నాయి.
కర్నూలు రూరల్, ఓర్వకల్, హొళగుంద, హాలహర్వి, వెల్దుర్తి, చిప్పగిరి, కర్నూలు అర్బన్, కృష్ణగిరి, పత్తికొండ, తుగ్గలి, గూడూరు, కోడుమూరు, ఆదోని-1, మద్దికెర తదితర మండలాలు ఈ జాబితాలో ఉన్నాయి.
అదేవిధంగా నంద్యాల జిల్లాలో తీవ్ర వర్షాభావం ఉన్న 26 మండలాలు, మోస్తరు వర్షాభావం ఉన్న 2 మండలాలు ఉన్నట్లు పేర్కొన్నారు. నందికొట్కూరు, డయల్, జూపాడు బంగ్లా, కొత్తపల్లె, ఆత్మకూరు, పాములపాడు, మిడ్తూరు, పాణ్యం, గడివేముల, వెలుగోడు, బండి ఆత్మకూరు, నంద్యాల రూరల్, మహానంది, శిరివెళ్ల, గోస్పాడు,అవుకు బనగానపల్లి,  కోయిలకుంట్ల, రుద్రవరం, దోర్నిపాడు, ఉయ్యాలవాడ, నంద్యాల అర్బన్, బేతంచెర్ల, డోన్, ప్యాపులి ఆళ్లగడ్డ , చాగలమర్రి తదితర మండలాలు జాబితాలో ఉన్నాయి.వర్షాభావ పరిస్థితుల నేపథ్యంలో వ్యవసాయం, తాగునీరు, పశువుల మేత తదితర అంశాలపై అధికారులు ప్రత్యేక దృష్టి సారించాల్సిన అవసరం ఉందని రైతులు కోరుతున్నారు.

ఇదిలా ఉండగా కర్నూలు జిల్లాలోని పశ్చిమ ప్రాంతమైన ఎమ్మిగనూరు మంత్రాలయం నియోజకవర్గంలోని 7 మండలాలను కరువు మండలాలుగా గుర్తించకపోవడం శోచనీయం.. ఇప్పటికే ఆయా మండలాల్లో వ్యవసాయ కూలీలు రైతులు పంటలు ఎండిపోయి వలస బాట పట్టారు. అయినా కూడా కరువును గుర్తించే అధికారులు ఎందుకు మంత్రాలయం ఎమ్మిగనూరు నియోజకవర్గం విస్మరించారని రైతు సంఘాల నాయకులు ఆవేదన వ్యక్తం చేస్తున్నారు