తడి చెత్త పొడి చెత్తను వేరు చేయాలి

డిప్యూటీ ఎంపీడీవో హజరత్ అలీ 

పామూరు, మేజర్ న్యూస్: గ్రామాల పరిశుభ్రత ప్రతి ఒక్కరి బాధ్యతని తడి చెత్త, పొడి చెత్తను వేర్వేరుగా సేకరించి పారిశుధ్యాన్ని కాపాడాలని డిప్యూటీ ఎంపీడీవో హజరత్ అలీ సూచించారు. మండలంలోని వగ్గంపల్లి స్వర్ణ గ్రామంలో నిర్వహించిన స్వచ్ఛ పదం కార్యక్రమంలో ఆయన మాట్లాడుతూ ఇంటి పరిసరాల్లో చెత్తను ఇష్టారాజ్యంగా వేయకుండా తడి చెత్త, పొడి చెత్తను వేరు చేసి పారిశుధ్య సిబ్బందికి అందించాలని తెలిపారు. చెత్తను వేరు చేయడం వల్ల గ్రామంలో పారిశుధ్య నిర్వహణ మెరుగుపడటంతో పాటు పరిసరాలు పరిశుభ్రంగా ఉంటాయని చెప్పారు. ప్రతి కుటుంబం పారిశుధ్యంపై అవగాహన పెంచుకుని గ్రామాన్ని స్వచ్ఛంగా ఉంచేందుకు తమవంతు బాధ్యతగా సహకరించాలని కోరారు. పరిశుభ్రమైన వాతావరణంతోనే ప్రజలకు ఆరోగ్యం గ్రామానికి అభివృద్ధి సాధ్యమవుతుందని హజరత్ అలీ  పేర్కొన్నారు. కార్యక్రమంలో పంచాయతీ అభివృద్ధి అధికారి ఇండ్ల హరినారాయణ, ఎస్‌జీఎస్‌డబ్ల్యూ, గ్రామస్తులు పాల్గొన్నారు.