andhrapradesh
క్రమశిక్షణతో విధులు నిర్వహించాలి ఎస్పీ జగదీష్‌ ఆదహళ్లి
నరసరావుపేట మేజర్ న్యూస్ : క్రమశిక్షణతో అంకితభావంతో విధులు నిర్వహించి పోలీసు శాఖకు మంచి పేరు తీసుకురావాలని పల్నాడు జిల్లా ఎస్పీ జగదీష్‌ ఆదహళ్లి సూచించారు. వివిధ శిక్షణ కేంద్రాల్లో శిక్షణ పూర్తి చేసుకున్న ఉమ్మడి గుంటూరు రూరల్‌ జిల్లాకు కేటాయించిన 196 మంది పురుష కానిస్టేబుళ్లు బుధవారం జిల్లా పోలీసు కార్యాలయంలో రిపోర్ట్‌ చేశారు. ఈ సందర్భంగా వారితో సమావేశమైన ఎస్పీ.. ప్రజలతో మర్యాదపూర్వకంగా వ్యవహరిస్తూ చట్ట నిబంధనలకు అనుగుణంగా విధులు నిర్వర్తించాలని సూచించారు. శిక్షణలో నేర్చుకున్న అంశాలను విధుల్లో సమర్థంగా వినియోగించుకోవాలని, సీనియర్‌ అధికారుల సూచనలు పాటించాలని తెలిపారు. అనంతరం జిల్లా పోలీసు కార్యాలయాన్ని ఎస్పీ తనిఖీ చేశారు.
రిపోర్టర్ :మల్లికార్జున్
