స్థానిక పోరుకు బీసీవై పార్టీ సన్నదం

*స్థానిక పోరుకు బీసీవై సన్నద్ధం*

* అన్ని స్థానాల్లో బలమైన అభ్యర్థులను బరిలోకి దింపుతాం

* పార్టీ శ్రేణులను ఎన్నికలకు సిద్ధం చేస్తున్నాం

* బీసీ రిజర్వేషన్ల అమలులో ప్రభుత్వం విఫలం

* బీసీవై కాకినాడ జిల్లా అధ్యక్షుడు రాయుడు నాగేశ్వరరావు

కాకినాడ సూర్య ప్రతినిధి

రానున్న స్థానిక సంస్థల ఎన్నికల్లో అన్ని స్థానాల్లో బలమైన అభ్యర్థులను పోటీకి నిలిపేందుకు బీసీవై పార్టీ సన్నద్ధమవుతోందని ఆ పార్టీ కాకినాడ జిల్లా అధ్యక్షుడు రాయుడు నాగేశ్వరరావు తెలిపారు. పార్టీ వ్యవస్థాపకుడు బోడే రామచంద్ర యాదవ్ ఆదేశాల మేరకు గ్రామస్థాయి నుంచి పార్టీ శ్రేణులను ఎన్నికలకు సిద్ధం చేస్తున్నట్లు చెప్పారు.

కాకినాడ దేవాలయం వీధిలోని వెంకి రెసిడెన్సీలో బీసీవై పార్టీ నాయకులు మీడియా సమావేశం నిర్వహించారు. ఈ సందర్భంగా రాయుడు నాగేశ్వరరావుతో పాటు షీతల్, కర్రి గోపాలకృష్ణ, రాయుడు సుధాకర్, శీరం శ్రీను, నాగేశ్వరి మాట్లాడారు.

ఎన్నికల సమయంలో బీసీలకు ఇచ్చిన రిజర్వేషన్ హామీని అమలు చేయడంలో ముఖ్యమంత్రి చంద్రబాబు నాయుడు ప్రభుత్వం విఫలమైందని వారు విమర్శించారు. బీసీలకు రాజకీయంగా సముచిత ప్రాతినిధ్యం దక్కాలన్న లక్ష్యంతో స్థానిక సంస్థల ఎన్నికలను బీసీవై పార్టీ ప్రతిష్ఠాత్మకంగా తీసుకుంటోందన్నారు. అన్ని స్థానాల్లో పోటీకి సిద్ధమవుతూ, ఆయా ప్రాంతాల్లో బలమైన అభ్యర్థులను గుర్తించే ప్రక్రియ చేపడుతున్నట్లు తెలిపారు.

కార్యక్రమంలో బీసీవై సమన్వయ కమిటీ సభ్యుడు గొంప శివతో పాటు ఉమ్మడి తూర్పుగోదావరి జిల్లాల నుంచి వచ్చిన పార్టీ నాయకులు, కార్యకర్తలు, మహిళలు పాల్గొన్నారు.