స్టేట్ కోపరేటివ్ బ్యాంకు చే రాష్ట్రస్థాయిలో వేగవరం సొసైటీకి బెస్ట్ ఫెయిర్ ఫార్మాన్స్ స్టేట్ అవార్డు

జంగారెడ్డిగూడెం, మేజర్ న్యూస్:- జంగారెడ్డిగూడెం మండలం వేగవరం ప్రాథమిక సహకార పరపతి సంఘం (పి. ఎ. సి. ఎస్) జిల్లా సహకార కేంద్రం బ్యాంకు లిమిటెడ్, ఏలూరు పరిధిలో 2025 - 2026వ సంవత్సరమునకు రాష్ట్రం మొత్తం మీద బెస్ట్ ఫెయిర్ ఫార్మన్స్ స్టేట్ లెవెల్ అవార్డు సాధించి జిల్లాలో ప్రథమ స్థానంలో నిలిచింది. ఈ స్టేట్ లెవెల్ అవార్డ్ ఈ ఏడాది ఆగస్టు 4వ తేదీన విజయవాడలో 63వ ఆవిర్భావ దినోత్సవం సందర్భంగా ది.ఆంధ్రప్రదేశ్ స్టేట్ కోఆపరేటివ్ బ్యాంకు ఆప్ చైర్మన్ గన్ని వీరాంజనేయులు చేతుల మీదుగా ఈ సొసైటీ గౌరవం పొందింది.  అవార్డుతో పాటు నగదు బహుమతిగా రూ 20, 000లు అందజేశారు.  సొసైటీ సీఈవో సయ్యద్ అజ్మీర్ ఆలీ, సొసైటీ చైర్మన్ ఆలపాటి దుర్గా రామప్రసాద్ ( రాము)లకు ఆప్కాబ్ చైర్మన్ గన్ని వీరాంజనేయులు అవార్డును బహుకరించారు.  ఈ స్టేట్ అవార్డును పొందిన సీఈవో ఆలీ,  చైర్మన్ ఆలపాటి రాములను సొసైటీ సభ్యులు ,వివిధ రాజకీయ పార్టీల నాయకులు, పలువురు ప్రముఖులు అభినందించి సత్కరించారు.  ఈ సందర్భంగా సూర్య ప్రతినిధికి సీఈఓ ఆలీ సొసైటీ ప్రగతిని ప్రత్యేకంగా వివరించారు. 1951లో 13 మందితో ఏర్పడిన ఈ సొసైటీ ప్రస్తుతం 1000 మంది వరకు సభ్యులు ఉన్నారని, వారిలో 600 మందికి పైగా రైతులు ఉన్నారని తెలిపారు. 2025 మార్చి నాటికి 550 మంది రైతులకు రూ. 23, 07,74,000 ఇవ్వగా, 2026 మార్చినాటికి రూ.  26,10,25, 000లను 900 మంది రైతాంగానికి రుణాలు అందజేశామని వాటిలో  పైగా రికవరీ అయిందని వివరించారు.  సొసైటీ ఆవరణలో 40 సంవత్సరాల క్రితం నిర్మించిన 100 ఎం. టి గోడౌన్, శిధిలం కావడంతో రాష్ట్ర ఆప్కాబ్ చైర్మన్ గన్ని వీరాంజనేయులు, సొసైటీ చైర్మన్ ఆలపాటి  రాము ల వినతి మేరకు నూతనంగా 250 ఎం.టి  పరిమాణం గల గోడౌన్ ను రూ  30 లక్షలతో సొసైటీ ఆధ్వర్యంలో శరవేగంగా నిర్మాణం జరుగుతుందని తెలిపారు.  గత ఏడాది వరకు గోడౌన్ శిథిలం కాక పూర్వం ఎరువుల వ్యాపారం ఈ గోడౌన్ ద్వారా జరిగిందన్నారు.  ఈ ఏడాది గోడౌన్ శిథిలం అవ్వడంతో ఎరువుల వ్యాపారమును నిలిపివేస్తామని తెలిపారు.  నూతనంగా నిర్మాణం జరుగుతున్న గోడౌన్ పూర్తి అయ్యి ప్రారంభోత్సవం అనంతరం తిరిగి ఎరువుల వ్యాపారం జరుగుతుందని వివరించారు. ఈ సొసైటీలో 900 మంది సభ్యులు ఉండగా , వారిలో 249 మంది మహిళలు ఉండడంతో ఈ సొసైటీ ప్రత్యేకత సంతరించుకొందన్నారు.  ప్రస్తుతం ఈ సొసైటీలో రూ 12 కోట్లు ఫిక్స్డ్ డిపాజిట్లుగా ఉన్నాయని, గోల్డ్ లోన్స్ రూ 5.5 కోట్లు అందజేశామని తెలిపారు. సొసైటీలో 53 లాకర్లు ఉన్నాయన్నారు.  ఈ సొసైటీలో 2017- 18 నుంచి 2023 -24 వరకు ఫిక్స్డ్ డిపాజిట్ దారులకు 23 కోట్ల 44 లక్షల 289 రూపాయలను డిపాజిట్లుగా అందజేస్తున్నామని వివరించారు. 2013లో సొసైటీకి ఎన్నికలు జరిగాయని ,అనంతరం సొసైటీ కార్యకలాపాలను నిర్వహిస్తున్నామని తెలిపారు. ప్రస్తుత చైర్మన్గా ఉన్న ఆలపాటి రాము ప్రథమంగా 57 ఆది ఆగస్టు 10వ తేదీన  చైర్మన్ పదవి బాధ్యతలు స్వీకరించారన్నారు.  ఆయనను తిరిగి రాష్ట్ర ప్రభుత్వం ఈ ఏడాది ఆగస్టు 27 నుంచి మరో ఆరు నెలల పొడిగించారని తెలిపారు.  దీనితో పాటు పర్సన్స్ గా షేక్ ఖాసింబి,  నులకాని శివరామకృష్ణ ఉన్నారన్నారు.  సొసైటీకి త్రీ మాన్ పాలక వర్గంలో గత 13 సంవత్సరాలలో ఒక్క మహిళ పర్సన్ ఉండటం ఇదే ప్రథమం అని తెలిపారు.  ఈ సొసైటీ పరిధిలో వేగవరం, రామచర్లగూడెం ,పెద్దపల్లి రెవిన్యూ గ్రామాలు ఉన్నాయని, ఈ గ్రామాల రైతాంగానికి ,సభ్యులకు రుణాలతో పాటు అన్ని సౌకర్యాలు అందజేస్తున్నామని ఈవో అజ్మత్ అలీ సూర్య ప్రతినిధికి తెలియజేశారు.