సొసైటీ ద్వారా యూరియా డిఏపి పంపిణీ

వింజమూరు, మేజర్ న్యూస్: వింజమూరు సొసైటీ ఆధ్వర్యంలో చైర్మన్ చల్ల వెంకటేశ్వర్లు యాదవ్ నేతృత్వంలో బుధవారం 25 మంది రైతులకు యూరియా, డీఏపీ ఎరువులను పంపిణీ చేశారు. ఈ సందర్భంగా సొసైటీ చైర్మన్ మాట్లాడుతూ సొసైటీకి 18 టన్నుల యూరియా, 13 టన్నుల డీఏపీ నిల్వ వచ్చిందని తెలిపారు. రైతులకు డీఏపీ బస్తాను రూ.1,350, యూరియా బస్తాను రూ.266 చొప్పున పంపిణీ చేస్తున్నట్లు చెప్పారు. అవసరమైన రైతులు సొసైటీ కార్యాలయాన్ని సంప్రదించి ఎరువులను పొందాలని చైర్మన్ సూచించారు. రైతులకు ఎలాంటి ఇబ్బందులు లేకుండా ఎరువుల పంపిణీ చేపడుతున్నామని తెలిపారు. కార్యక్రమంలో సొసైటీ సీఈఓ మేకల రమణయ్య, మద్దూరి రాజగోపాల్ రెడ్డి, సిబ్బంది శ్రీనివాసులు రెడ్డి, రాధాతో పాటు పలువురు రైతులు పాల్గొన్నారు.