రజతంతో జాతీయ బరిలోకి.. చిన్నఅవుటపల్లి లియోన్, నియా.

చిన్నఅవుటపల్లి, మేజర్ న్యూస్.

గన్నవరం మండలం చిన్నఅవుటపల్లి గ్రామానికి చెందిన గోగులమూడి లియోన్, నియా జాతీయ స్థాయి మోడరన్ పెంటాథ్లాన్ ఛాంపియన్‌షిప్‌కు ఎంపికై గ్రామానికి గౌరవం తీసుకొచ్చారు. మహారాష్ట్రలోని నాసిక్‌లో అక్టోబర్ 4 నుంచి 6 వరకు జరిగే జాతీయ పోటీల్లో వారు పాల్గొననున్నారు. ఏలూరు జిల్లాలోని అల్లూరి సీతారామరాజు క్రీడా మైదానంలో జూలై 10 నుంచి 12 వరకు జరిగిన రాష్ట్రస్థాయి పోటీల్లో అండర్‌-9 విభాగంలో ప్రతిభ కనబరిచి రజత పతకాలు సాధించారు. దీంతో జాతీయ మోడరన్ పెంటాథ్లాన్‌లో భాగమైన లేజర్ పోటీలకు ఎంపికయ్యారు. చిన్న గ్రామం నుంచి జాతీయ స్థాయికి ఎదగడం అభినందనీయమని జిల్లా మోడరన్ పెంటాథ్లాన్ అసోసియేషన్ అధ్యక్షుడు కృష్ణామోహన్ తెలిపారు. లియోన్, నియాలు జాతీయ పోటీల్లో పతకాలు సాధించి గ్రామానికి మరింత పేరు తీసుకురావాలని ఆకాంక్షించారు.