andhrapradesh
రామన్నపేటలో ఏఆర్‌ కానిస్టేబుల్‌ మృతి చెట్టుకు ఉరివేసుకుని బలవన్మరణం
వేటపాలెం మేజర్ న్యూస్ : మండలంలోని రామన్నపేటలో ఏఆర్‌ కానిస్టేబుల్‌ లేళ్ల వీరన్న (47) చెట్టుకు ఉరివేసుకుని మృతి చెందాడు. గ్రామ పంచాయతీ పరిధిలో మంచినీటి సరఫరా కోసం వినియోగించే బావుల సమీపంలో ఈ ఘటన చోటుచేసుకుంది.
సమాచారం అందుకున్న చీరాల రూరల్‌ సీఐ సుధాకర్‌ యాదవ్‌, వేటపాలెం ఎస్సై జనార్ధన్‌ సిబ్బందితో కలిసి ఘటనా స్థలానికి చేరుకుని పరిశీలించారు. మృతుడు బాపట్ల జిల్లా ఎస్పీ గన్‌మెన్‌గా విధులు నిర్వహిస్తున్నట్లు పోలీసులు తెలిపారు.ఈ ఘటనపై అనుమానాస్పద మృతిగా కేసు నమోదు చేసి, మృతదేహాన్ని పోస్టుమార్టం నిమిత్తం చీరాల ప్రభుత్వ వైద్యశాలకు తరలించారు. వీరన్నకు భార్య, ఇద్దరు పిల్లలు ఉన్నారు. ఆయన మృతికి గల కారణాలపై పోలీసులు దర్యాప్తు చేస్తున్నారు.
