రాజమహేంద్రవరంలో అక్రమ నిర్మాణాలు కూల్చివేత

అక్రమ నిర్మాణం కూల్చివేత* 

రాజమహేంద్రవరం లో అనధికార నిర్మాణాలపై మున్సిపల్ కార్పొరేషన్ అధికారులు ఉక్కుపాదం మోపుతున్నారు. స్థానిక సాయిదుర్గానగర్లో నగరపాలక సంస్థ నుండి అనుమతి లేకుండా చేపట్టిన నిర్మాణాన్ని పట్టణ ప్రణాళిక విభాగం అధికారులు తొలగించారు. నిర్దేశిత అనుమతి లేకుండా నిర్మాణాలు చేపట్టిన వారు స్వచ్చందంగా తొలగించుకోకుంటే నగరపాలక సిబ్బందే పూర్తిగా తొలగిస్తారని కమిషనర్ రాహుల్ మీనా ఓ ప్రకటనలో తెలిపారు. ఇకపై అనధికార నిర్మాణాలు, హోర్డింగ్స్ తొలగింపు కొనసాగుతుందని.. అవసరమైతే అదనపు జేసిబీలు, సిబ్బందిని సమకూర్చుకోవాలని సిటీ ప్లానర్ ను ఆదేశించడం జరిగిందన్నారు. అలాగే వార్డు సచివాలయాల వారీగా అనధికార నిర్మాణాలు, హోర్డింగ్స్ లను ఇప్పటికే గుర్తించామని, వాటన్నింటినీ షెడ్యూల్ ప్రకారం తొలగిస్తామని స్పష్టం చేశారు. కావున భవన నిర్మాణాల సమయంలో తప్పనిసరిగా నిబంధనలను పాటించాలని.. సదరు అనుమతులు పొంది, నగర ప్రణాళికాబద్ధమైన అభివృద్ధికి సహకరించవలసిందిగా ప్రజలకు విజ్ఞప్తి చేశారు. అలాగే టింబర్ యార్డు రోడ్డులో రహదారి పైకి వచ్చిన ర్యాంపులు, ప్లాట్ ఫామ్ లను బుధవారం పట్టణ ప్రణాళిక విభాగం తొలగించడం జరిగింది.