రాజకీయ పార్టీలు ఎన్నికలు నిర్వహణకు సహకరించాలి :మండల రిటర్నింగ్ అధికారి సత్యనారాయణ

ఇరగవరం సూర్య న్యూస్:ఎన్నికలు ప్రశాంతంగా నిర్వహించడానికి అన్ని పార్టీల నాయకులు, కార్యకర్తలు సహకరించాలని ఇరగవరం మండల ప్రజా పరిషత్ ప్రత్యేక అధికారి మరియు రిటర్నింగ్ అధికారి కె.వి.వి. సత్యనారాయణ కోరారు. శనివారం మండల పరిషత్ కార్యాలయంలో ఏర్పాటు చేసిన ఎన్నికల అవగాహన సదస్సులో అయన పాల్గొని మాట్లాడారు. స్థానిక ఎన్నికలు సంబంధించి ఈ నెల20నుంచి నామినేషన్ పత్రాలు పంపిణి చేస్తారన్నారు. 21 నుండి 23 వరకు నామినేషన్ దాఖలు చేసుకోవచ్చు నవంబర్ 3న ఎలక్షన్, 5తేదీన కౌంటింగ్ పూర్తిచేసి అదే రోజూ గెలుపొందిన అభ్యర్థులను ప్రకటిస్తామన్నారు.ఉదయం 10.30నుండి సాయంత్రం 5గంటలవరకు నామినేషన్ ప్రక్రియ కొనసాగుతుందన్నారు.నామినేషన్ ఉపశమహరించుకునే అభ్యర్డులు 21నుండి 23 తేదీ 3గంటలలోపు ఉపశమహరించుకోవాలని చెప్పారు.కుల,మత,వర్గ విభేదాలతో ఘర్శనలకు పాల్పడకుండా తగిన విధంగా సహకరించాలని పార్టీ శ్రేణులను కోరారు.అలా ఎవరైనా ఘర్శనలకు పాల్పడితే ఎన్నికల నియామవాళి ప్రకారం చర్యలు తీసుకుంటామని అన్నారు.ఎవరైనా అభ్యర్డులు నామినేషన్ వేసే సమయంలో తప్పనిసరిగా అభ్యర్థనను స్వయంగా రిటర్నంగ్ అధికారికి సమర్పించాలన్నారు. నామినేషన్ పత్రాన్ని తప్పులేకుండా పూరించలన్నారు.అభ్యర్థి ఆధార్ ప్రకారం తమ వివరాలు సమర్పించాలన్నారు.నామినేషన్ దాఖలుకు అవసరమైన అన్ని పత్రాలను నామినేషన్ సమయంలో సమర్పించాలని సూచించారు. అసంపూర్తిగా ఉన్న అభ్యర్థనలను తిరస్కరించే అవకాశం ఉన్నందున దరఖాస్తు ఫారం సమర్పించే ముందు సరిచేసుకోవాలన్నారు.నామినేషన్ దాఖలు చేసేవారు జనరల్ కేటగిరి అభ్యర్డులు 3వేల రూపాయలు నిర్ణిత దారావత్తు జామ చేయాలన్నారు. రిజర్వేషన్ కేటగిరి అభ్యర్డులు 15 వందల రూపాయలు దారావత్తు చెల్లించాలన్నారు.ఫిర్యాదులు ఏమైనా ఉంటే స్వయంగా రిటర్నింగ్ అధికారికి ఫిర్యాదు చెయ్యాలి సోషల్ మీడియాలో ప్రచారం చేయకూడదన్నారు.ఎన్నికల్లో పాల్గొనే ఏజెంట్లు తప్పనిసరిగా గుర్తింపు కార్డులు పొందాలన్నారు. కార్యక్రమంలో మండల పరిషత్ అభివృద్ధి అధికారి ఏ.శ్రీనివాస్, తాహిసీల్దార్ ఎమ్.సుందర్రాజు, సిపిఎం మండల కన్వీనర్ కామన మునిస్వామి, సిపిఎం పార్టీ మండల కమిటీ సభ్యులు జుత్తిగ రామాంజనేయులు,అన్ని పార్టీల నాయకులు,సంబంధిత అధికారులు పాల్గొన్నారు.

 రిపోర్టర్: దొరబాబు, ఇరగవరం పశ్చిమ గోదావరి జిల్లా