అట్టహాసంగా కూటమి మేయర్ అభ్యర్థి రెడ్డి అప్పలనాయుడు నామినేషన్ -- ర్యాలీలో ఎమ్మెల్యేలు బడేటి చంటి, చింతమనేని ప్రభాకర్, పట్సమట్ల ధర్మరాజు, బిజెపి నేతలు తపన చౌదరి, విక్రమ్ కిషోర్ -- కూటమి ధర్మాన్ని పాటిస్తాం -ఏలూరు అభివృద్ధే లక్ష్యం- రెడ్డి అప్పలనాయుడు

ఏలూరు, మేజర్ న్యూస్ : జనసేన పార్టీ అధినేత, రాష్ట్ర ఉపముఖ్యమంత్రి పవన్ కళ్యాణ్  ఆశీస్సులత నగర మేయర్ అభ్యర్థిగా పోటీ చేస్తున్నట్లు,  కూటమి ధర్మాన్ని పాటిస్తామని, ఏలూరు అభివృద్ధే ఏకైక లక్ష్యం అని ఎన్డీఏ కూటమి బలపరిచిన ఏలూరు నగర మేయర్ అభ్యర్థి రెడ్డి అప్పలనాయుడు తెలిపారు.  శనివారం భారీ ర్యాలీతో ఊరేగింపు గా బయలుదేరి మున్సిపల్ కార్యాలయం లో నామినేషన్ దాఖలు చేశారు. ఈ నామినేషన్ కార్యక్రమానికి ముఖ్య అతిథులుగా జిల్లా టిడిపి అధ్యక్షులు, ఏలూరు శాసనసభ్యులు బడేటి రాధాకృష్ణయ్య చంటి , దెందులూరు శాసనసభ్యులు చింతమనేని ప్రభాకర్ , ఉంగుటూరు శాసనసభ్యులు పట్సమట్ల ధర్మరాజు , బీజేపీ రాష్ట్ర ఉపాధ్యక్షులు, తపన ఫౌండేషన్ అధినేత తపన సీతారామాంజనేయ చౌదిరి , బీజేపీ జిల్లా అధ్యక్షులు విక్రమ్ కిషోర్ , రాష్ట్ర వడ్డీల కార్పోరేషన్ చైర్ పర్సన్ ఘంటసాల వెంకటలక్ష్మి, జనసేన సీనియర్ నాయకులు నారా శేషు పలువురు కూటమి పెద్దలు ముఖ్య అతిథులుగా హాజరయ్యారు. తొలుత రెడ్డి అప్పలనాయుడు  అభయాంజనేయ స్వామి వారి దేవాలయంలో ప్రత్యేక పూజల్లో పాల్గొన్నారు. అనంతరం భారీ జనసందోహంతో కూటమి నాయకుల సమక్షంలో విజయోత్సవ ర్యాలీ నిర్వహించారు. ర్యాలీలో పలు ప్రాంతాల్లో ఆయనకి అపూర్వ స్వాగతం లభించింది. మహిళలు హారతులు ఇచ్చి, గుమ్మడికాయలతో దిష్టి తీశారు. అభిమానులు భారీ గజమాలలతో ఘనంగా స్వాగతం పలికారు. పూలవర్షాన్ని కురుపిస్తూ వారి అభిమానాన్ని చాటుకున్నారు.  ఏలూరులో కూటమి అభ్యర్థుల ప్రతి ఒక్కరిని గెలిపించాలని  కోరారు. రెడ్డి అప్పలనాయుడు మాట్లాడుతూ సమన్వయం, సమర్థత సమాలోచనలతో జనసేన పార్టీని తిరుగులేని శక్తిగా నిలుపుతానని, ముఖ్యంగా ఏలూరులో కూటమి ఐక్యత, జనసేన పార్టీ నాయకులు కార్యకర్తలు, వీర మహిళల మనోభావాలు కాపాడే విధంగా అత్యంత నిబధ్ధతతో ముందుకెళ్తామని అన్నారు. ఒక పక్క జనసేన పార్టీని బలోపేతం చేస్తూనే, మరోపక్క కూటమి సఖ్యతను కాపాడే లక్ష్యంతో పనిచేస్తామన్నారు.

 పసుమర్తి రాము జిల్లా ఇంచార్జ్ ఏలూరు