కావలి రూరల్‌లో వైఎస్సార్సీపీ క్లీన్ స్వీప్ దిశగా అడుగులు....!
కావలి మేజర్ న్యూస్ : కావలి నియోజకవర్గంలో స్థానిక సంస్థల సమరం వేడెక్కింది. రాబోయే ప్రాదేశిక ఎన్నికలకు సంబంధించి వైఎస్సార్ కాంగ్రెస్ పార్టీ అందరికంటే ముందే సమరశంఖం పూరించి, ఎన్నికల మైదానంలో దూసుకెళ్తోంది. నియోజకవర్గ ఇంఛార్జ్, మాజీ ఎమ్మెల్యే రామిరెడ్డి ప్రతాప్ కుమార్ రెడ్డి సుదీర్ఘ రాజకీయ అనుభవం, దిశానిర్దేశంతో వైఎస్సార్సీపీ కావలి రూరల్ ప్రాంతాల్లో తిరుగులేని శక్తిగా నిలుస్తోంది. కూటమి పరిధిలోని పార్టీలలో అంతర్గత విభేదాలు, వర్గపోరుతో నాయకులు ఏకాభిప్రాయానికి రాలేక కొట్టుమిట్టాడుతుంటే... వైఎస్సార్ కాంగ్రెస్ పార్టీలో మాత్రం రామిరెడ్డి ప్రతాప్ కుమార్ రెడ్డి ‘ఏకవీర’గా నిలిచి నియోజకవర్గ పార్టీ శ్రేణులను ఏకతాటిపై నడిపిస్తున్నారు. ఎక్కడా ఎలాంటి అంతర్గత కలహాలకు తావులేకుండా, కార్యకర్తలకు, ద్వితీయ శ్రేణి నాయకులకు, సాధారణ ప్రజలకు ఆప్తబంధువుగా నిలుస్తూ ‘మకుటం లేని మహారాజు’గా అందరి మనసులను గెలుచుకున్నారు. ఎన్నికల సమరంలో వైఎస్సార్సీపీ సరికొత్త వ్యూహంతో ముందుకు సాగుతోంది. కావలి రూరల్ పరిధిలోని 17 పంచాయితీలకు సంబంధించిన ప్రణాళికలు ఇప్పటికే పూర్తయ్యాయి. కావలి రూరల్ ప్రాంతాల్లో నామినేషన్ల ఘట్టానికి పార్టీ శ్రేణులను సంపూర్ణంగా సంసిద్ధం చేశారు. సామాజిక న్యాయం & మహిళలకు పెద్దపీట: అన్ని సామాజిక వర్గాలకు సమాన ప్రాధాన్యం కల్పిస్తూ, మహిళా అభ్యర్థులకు పెద్దపీట వేస్తూ అభ్యర్థుల ఎంపిక ప్రక్రియను పూర్తి చేశారు.
విజయం వైఎస్సార్సీపీదే..
పార్టీని నమ్ముకున్న ప్రతి కార్యకర్తకూ, నాయకుడికీ నేనున్నానంటూ భరోసా ఇస్తున్న రామిరెడ్డి ప్రతాప్ కుమార్ రెడ్డి నాయకత్వంపై ప్రజలకు, పార్టీ శ్రేణులకు పూర్తి విశ్వాసం వ్యక్తమవుతోంది. వెల్లువెత్తుతున్న ప్రజా మద్దతు, గ్రామీణ ప్రాంతాలలో కనిపిస్తున్న జనసందోహాన్ని బట్టి చూస్తే రాబోయే ప్రాదేశిక ఎన్నికల్లో కావలి రూరల్ ప్రాంతంలో వైఎస్సార్సీపీ అత్యధిక స్థానాలను కైవసం చేసుకుని విజయకేతనం ఎగురవేయడం ఖాయంగా కనిపిస్తోంది.
